鲍爷好耶！开句声就将啲金再推高多一把，上到每盎斯3300美元楼上，搞到我依家好后悔上个星期尾咁快掉走只 $UBSPDRG@EC2510A.C(27843)$ ，见到今日只 $SPDR Gold Trust(02840)$ 上到2400元，那怕佢高开低走，呢口价比上个星期出只(27843)多咗差唔多成旧水！
港女仲叻！隔离街美佬跌成七旧，今朝升9点开市之后玩咗一阵灯掣就系咁上。坦白讲作战室今朝开市前都Plan定淡仓准备架啦，但开市后见佢五分钟图守住中轴上，集体变阵好仓出去作今日第一注。10点未到格仔已爬。
仲有3分钟先至10点，依家见嘅小时图，已经见到指数上返10线，同时挑战紧条20线，而恒指21300点有上到过，暂时高位见21317点，同喺五分钟图上见到4月16日开市裂口底部21363点差唔多，又嚟到一个要等嘅关键位。
依家10点7分，指数喺小时图上见暂时仲未过到20线，不过SLow STC(14.3)两线仍然保埘向上，同时亦有好近嘅10线喺下面托住指数，呢个「小圆底」仲撚紧条颈线，就由得佢撚下先。
再向个股方向出发的话，真心除咗只(02840)之外都无乜其他嘢吸 引...不过(02840)实在弹太高，当市场风险胃纳缩少，指数升返之后，咁啲钱就会由(02840)疯狂流出，佢就会未必吸引。所以依家暱入去(02840)，说实话避难多过乜。
望望月历，明日起一连四日复活节假期，作战室都有战友已经离港外游，所以玩今日Day Trade OK，但如果决定过夜嘅话，咁你就飘过四日，至下周二(4月22日)先至再开返市。
$DSSPDRG@EC2603A.C(13435)$ ，行使价2429元，因为依家S金啲行使价，由价内嘅2351元一下子就跳到上2428元，争1蚊都唔系争好远，杠杆有约6.57倍但睇中嘅系引伸偏低同低街货。
五分钟图有见(2840)依家借住条10线，而保历加通道整条向上行，真系只系Lock住10线同保历加顶线咁样嚟Swing Trade硬追，如果到你睇完文之后发现条10线已经失守咗嘅话，咁你就继续执行李准备放假啦！
作者阿珊，以技术分析专心玩轮证，唔贪心，努力赚取我家肥猫罐罐。
精彩评论