㖊日无捉到 $HSI(HSI)$ ，不过见隔晚美股继续造好，条纳指同历史高位都只系争17点，相信呢期大家都会做晒夜鬼炒美股，依家啲证券户口买到美股已经系基本，笃只QQQ入场就搞掂，执Call都悭返。
今朝指数开升125点，升24451点，例牌指数高开之后稍为向下之后，过咗16分钟喺五分钟图上已经框到个长方形出嚟，顶线位大约24470/24471点，底线见24387/24389点，84点range已经有战友喺中间偷咗点数食咗架啦！
不过今朝最吸睛嘅应该都系只 $XIAOMI-W(01810)$ ，皆因㖊晚小米YU7正式登场，今朝股价抢高8%破顶，，有战友手上有只小米Call过咗夜，有理无理，开市之后先食，反正呢两三日港股都系炒股唔炒市。
今日喺作战室本来都mark住一啲位掟恒指牛熊，但mark极都唔到，望望钟仲有两分钟就10点，作战室里面都未追击条指数，所以今日选择追只 $POP MART(09992)$ 。
日线图上见popmart股价于今日开始重新企得返上10/20线以上位置，而呢两条线大约喺253/252元，即系如果你有正股嘅话，呢两条线守得返系好事；咬紧少少嘅话，亦都可以用呢两条线作为下方量度线。
至于小时图方面，见股价籣6月20日裂口低开之后至今都一直Keep住上行，「上升通道」有筑起同时底线亦都同20线重叠。
今朝股价随大市低开后就刚好落到「上升通道」底线同条20线，之后借线回上所以喺小时图先见到条下影线出现。作战室popmart call已经出咗，10点13分喺五分钟图上见股价于259元出平顶，10格Call先收亦已完成。
$HSPOMRT@EC2510A.C(17365)$ ，行使价289.08元，同现价有13.45%价外距离，但行使价250.2元之后一下子就跳到上288.8元，仲要本身Popmart Call杠杆最多都系3倍几，再喺当中再筛只低街货出嚟。
作战室依家等紧再追第二轮Popmart，最理想嘅系五分钟图10线上嚟比线佢踩住上；如昭破259元平顶位嘅话，怕且都系硬追。
作者阿珊，以技术分析专心玩轮证，唔贪心，努力赚取我家肥猫罐罐。
精彩评论