【轮证赢家】汇丰牛等小时图STC返超买

应该今日都会有唔少人放假，事关放呢一日连埋之前周末同听日嘅红日，就可以自制五日嘅长假期，去一个短线旅行。

今日 $HSI(HSI)$ 都只系低开9点，报24274点，好似放咗假咁，但甫开市向下飞扑一度跌近百点就真系醒一醒，作战室即时追出淡仓作为今日嘅第一注。

不过今朝指数走势都比较Chok。喺五分钟上见指数出嘅烛比较大支，同时亦梅花间竹咁出阳烛同阴烛，坐唔定嘅都系盏死。

指数难玩又走去睇下有无个股啱玩，揾到一只都有一段时间无留意嘅系 $HSBC HOLDINGS(00005)$ ，虽然小时图见保加通道数目前仍然有见收窄，但Slow STC(14.3)触底上咗，即系触底上行嘅Swing 仲有条条出现，依家仲有5分钟先至10点，稍等嘅系股价能唔能够喺10点之后确认走返上中轴，甚至系10线之上。

拉线借返上个星期五嘅低94.5元嘅话，同保历加底线94.326元差唔多， $MS#HSBC RC2804A.C(56652)$ ，收回价89元，低过上文mark住嘅位之余，退后少少Set 90蚊做下方量度线都可以，杠杆有约15.4倍，Day Trade only。

我谂到你睇完文都应该10点几，到时如果爬得到上中轴嘅话，小注即日出动试下Slow STC(14.3)上唔上得返超买位。

稍后嘅【轮证下半Part】将会喺7月开始暂停一下，变相一阵嗰只系暂时嘅「最后一只」；攰，抖下先。

作者阿珊，以技术分析专心玩轮证，唔贪心，努力赚取我家肥猫罐罐。