【轮证赢家】借实小时图中轴博恒指牛

㖊日拣咗只 $HSI(HSI)$ 牛出嚟，终于等到下半场2点40分喺五分钟图上见返Slow STC(14.3)回落到超卖位，借此作Swing Trade快炒一转不过夜，平均都有6.19%赚幅。

而如果呢只好仓揸到今朝嘅话，今朝开市时升39点你未必好兴奋；但到开市之后直上至依家9点38分，暂时高位见过24010点，升幅扩大至过百点我谂你都已经收割咗先。

作战室依家都已经有战友率先偷咗几格好仓；见24000点有上到但企唔稳，即刻做埋反手，几格牛再加几格熊，开市后用咗半个钟到无就执咗份茶餐，依家个灵魂返番去工作岗位，继续扮工。

睇文嘅一定无作战室班友仔炒得咁快，用返个小时图见今日开市后指数上返久违了嘅中轴线之上，这呢条线企好再出只 $DS#HSI RC2708A.C(55718)$ ，收回价23600点，同现价有约388点距离，杠杆有约47倍够做今日Day Trade，即使借(55718)用嚟爬下格仔都够玩，前题系要企稳小时图嘅中轴先好；成功闯上24000点楼上又可以借返个日线图出嚟继续追上。

题外话，又多咗间发行商星展出恒指牛熊，虽然呢个Product依家一地都系，不过出钱落场嘅你先至系老板，多啲选择、货比三家，你有著数呀！

作者阿珊，以技术分析专心玩轮证，唔贪心，努力赚取我家肥猫罐罐。

7/7作战室实况 - 直接去Patreon搜寻「cbbcwar」领取七日免费试用即市作战教室