㖊日拣咗只 $UB-HSI @EP2607A.P(25463)$ 出嚟，Mark住咗借小时图嘅顶线约25700点位置，如果指数再抽多次而见阻力的话，咁只(25463)小注试下。
但可惜㖊日得上半场扑上257楼上一次之后，都再没然后；日内波幅200点左右全数喺上半场11点零出现晒，之后做Day Trade斩头斩尾拉到尽都系50零点，仍然都系珍奶注。
本身㖊日见到新闻同临瞓前睇到初段美股嘅走势，都有啲呻「做乜唔硬入只Put」；但今朝一瞓醒即刻幸好自己仍然按策略行事。话港股日升日跌难捉，美股先跌300再倒升300点仲难搞，不过有波幅始终都系件好事。
「咁今日有无机会做弹高熊呀?」的确作战室今日系等紧有无呢个机会出现，皆因喺开U盘之前睇返小时图同日线图都Mark得到有部份嘅上方量度线比较集中于~260呢个位，而下方就见~253。依家9点47分， $HSI(HSI)$ 暂时高位有见25995点，虽然目前稍为向下回落，但仍然日内波幅都唔算大，只系回落咗60点左右，不过按照技术指标画出嚟嘅线，借26000点唔过博出到阻力，作战室第一注淡仓就系咁而小注落场。
知道市场唔会时时刻刻都咁称心如意嘅，实际操盘嚟讲，其实等嘅时间嘅动手嘅时间往往多好几倍。
今日个小时图反而系最难搞，10点后睇个小时图，顶底都无线被佢踩住，反而真系用五分钟图做Swing Trade所画到嘅线仲好用。
嚟到10点9分再睇返个五分钟图，见指数于10线企得住嘅同时，保历加通道整条保持向上走，所以作战室都重新画返借10线同保历加顶线之间做向上嘅Swing Tarde。
至于睇文嘅...明白系比较难喺五分钟图里面追上落，如果用返日线图嘅话，依家10点16分见指数于日线图上出高位「十字星」，摆位系比上个星期五为低，又真系26000点附近都仲有50/100/150平均线喺度。
㖊日拣嘅恒指Put(25463)，条件上同㖊日睇嘅都差唔多，可以继续用嘅；而如果谂住都系高杠杆Day Trade一趟嘅话，咁 $UB#HSI RP2809A.P(62128)$ ，收回价26150点，同现价都系得274点距离，所以杠杆有成68.1倍架，就真系够你做Day Trade快爬啦，但呢只要Set。但呢只要Set好用26000点做上方量度线啰，睇吓刀仔可唔可以锯到大树！
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」
资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。
精彩评论