㖊日拣咗只 $UB#HSI RP2809A.P(62128)$ 出嚟，计划做一趟Day Trade啫，由于呢期见指数日内波幅都好闷，所以拣咗只比平时拣开嘅再贴价少少嘅产品。
估唔到㖊日 $HSI(HSI)$ 终于都似返系人玩嘅走势，先走后高㖊日喺作战室都做得到，久违了爬格仔嘅气氛。而恒指熊(62128)亦都平均有16.87%嘅正数收到，由一 杯珍奶变返个下午茶餐啦！
美伊战争由2月底开始打到依家，每日霸占所有国际版，金油股三市上上落落到依家个市场消化啲新闻嘅速度愈嚟愈快，台股㖊日仲好似创新高，见36296点添！
今朝港股都做得唔错，甫开市摆位都上返日线图上嘅50/100/150线呢个三线阻力位，到依家仲有5分钟先至10点，本身作战室谂住捉指数出高开低走，但(截至依家为止)低走到26086点出平底，比50天线嘅26071点高少少接住后又再上过。顺势而行，变阵出好仓；10点未到指数向上反扑到上26200点楼上，战友都已经爬咗格仔。
10点打后有见指数于26200点附近徘徊，但咁讲，佢爬得返上去日线图50/100/150线呢个三线位而又企得稳嘅话，咁由1月底高位28056点向下落到3月底嘅低位24203点呢条「下降通道」，应该告一段落嘅同时，反方向抽上由「平顶三角形」开始有条件出「上升通道」，如果上得番返去1月底嘅高位的话，咁「V型反弹」完成。
换个小时图见，依家10点19分见指数于26215/26216点出平顶后稍为向下回落，如果以呢个小时图嚟睇嘅话，系要准备定淡仓等睇佢同Slow STC(14.3)一齐向下走。
睇日线图指数企唔企得到三线位之上依家都仲系偏早，借返小时图嚟做Swing嘅话， $UB#HSI RP2804R.P(67856)$ ，收回价26638点，企高于重货熊区26500至26599点，杠杆有约44.4倍够做Day Trade。
依家10点24分见指数喺五分钟图向下过咗10线位，未到中轴线先借住今朝啲低位望住先，作战室就系咁偷法。至于小时图嘅话，少少冒险因为Slow STC(14.3)未确认转向下，单纯用个平顶+保历加顶线顶住唔向上咁解，所以注码上留意一下啦。
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」
资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。
精彩评论