【轮证赢家】恒指牛齐闯关

㖊日拣咗只恒指熊出嚟，同前日一样，都系做Day Trade啫。

先借小时图见平顶+保历加顶线顶捉向下，以做Swing Trade嘅方法，即五分钟图见Slow STC(14.3)到返超卖嘅话，咁呢一注淡仓只系用咗35分钟左右，就先收4格；不过作战室呢一注淡仓系hold到过Lunch，就算唔过Lunch，都有喺食完饭返嚟之后再出多次淡仓接住指数继续落。

前日睇完台股创新高，㖊晚轮到纳指同标指，但要港股再创新高嘅话...我谂前题系呢一刻暂时未有人会睇到佢可以扑得到上返30000点先啦...

恒指今早再高开，升175点，开市报26122点，叫做第三日都高开但同时亦都系第二日喺日线图上同50/100/150线搏斗中。如果今日都企唔到上呢三条线楼上嘅话，小心向下一借要借返落去10天线。

而作战室今日开出好仓先嘅，因为喺比咗个开市价出嚟之后，喺五分钟图上用返㖊日&前日嘅开市位+Slow STC(14.3)摆位做咗对比，稍为计一计数之后先至有呢个决定。但作战室系爬格仔嘛，所以都系用返㖊日小时图嘅「平顶」位做住爬格目标先。

10点未到呢一注好仓已经爬完，望望钟见仲有10分钟先至到10点，理想化系有少少等睇小时图指数会稍为向下落一落返条10线之后先至再上，顺便踩多次条「上升通道」底线。只不过依家见Slow STC(14.3)向上中，似乎又唔系咁行。

10点后开始见到五分钟图指数行出「长方形」走势，10线保持向上有似托住指数再上，但小时图条顶线/26200点一日未过/企得稳，一日都系浮浮沉沉咁上落。

咁比住只 $DS#HSI RC2811M.C(57538)$ ，收回价25750点，同现价有约430点距离够安全，杠杆有约43.6倍亦都够做Day Trade。

进取嘅先留意五分钟图10线接唔接得住指数；如果到你睇完之后有见佢接得住(更安全嘅等佢上得返小时图条顶线/26200点啦)就小注出动；用返平时五分钟图Slow STC(14.3)触底出好仓Swing Trade一趟可以，正数就得啦！

作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。