㖊日拣咗只 $DS#HSI RC2811M.C(57538)$ 出嚟，借进取mode用五分钟图10线接住指数而出动，持货至下半场开市有见指数向下失买入嘅10线位，呢注喺呢个位走平均都有25.42%正数。
其后有见 $HSI(HSI)$ 重上多次五分钟图10线，如果再出多一次好仓嘅话，虽然真系差啲瞓著，但至少方向式确，执多一注好仓正数收工。
隔晚美股再创新高，不过今朝返嚟见恒指低开185点，摆位上都仲叫做企于日线图嘅五条主要平均线之上嘅，特别系50/100/150线之前经常画住嘅三线位，大涨小回嘅话可以，但唔该真系要企好线。
睇埋今日牛熊证街货图，即使今日指数低开，但其实摆位都仲系靠近上方熊证街货层，又今日作战室迟迟未出仓(到依家9点50分都仲系得个睇字)系因为度过今日嘅技术摆位同街货比较嘅话，对现咗对立嘅情况。
「即系技术分析 VS 街货?!」Yes! 依家等紧嘅系10点后，倒底指数会系低走于10线，还是企高于10线，再决定出乜仓；当然佢会有第三个答案比你，系就咬住10线唔上唔落，如果系咁嘅话，作战室已经一早决定会今日休战一日。
终于等到10点打后，有见指数低走于10线，作战室终于决定出淡仓方向，借小时图Slow STC(14.3)向下落，睇吓可唔可以借得到呢个方向走。
$DS#HSI RP2803W.P(66137)$ ，收回价26600点，同现价有约400点距离，约51.4倍杠杆够做Day Trade。唯一要留意嘅系因为都等咗成半个钟先至决定到出边个方向，五分钟图嘅Slow STC(14.3)已经到晒超卖位，所以佢下一步整条保历加通道有机会向下行，变相指数同Slow STC(14.3)有条件出现返Swing Trade走势，出淡仓呢个位就要小心啲啦，借保历加底线同最近指数嘅上方平均线呢个通道夹住指数玩啦。
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。
精彩评论