㖊日拣咗只 $UB#HSI RC28128.C(57838)$ 出嚟，都仲见到指数企高于五分钟图嘅10线，(57838)小注出动借10线上嘅话，都可以hold得到去下半场嘅，但呢一注就真系迟咗开，平均执到嘅格仔数扣埋手续费嘅话，应该都系打个和。
如果只恒指牛(57838)Hold到过夜嘅话，今朝见指数开升81点，斋睇点数好似无乜特别咁，但重点系指数再踩到上熊证第一层街货之余，有再迫近重熊区26500至26599点。
本来谂住出好仓往重货熊方向走，仲喺五分钟图等过第一粒烛出完下影线，以为嗰条线系已经高开低走咗，好仓都掟咗出去之后，指数跟手快速向下沉咗成100点，五分钟见今朝嘅开之市裂口都补，明明绿灯转眼变成红灯，好仓第一注好难唔败走避一避先。
望望钟仲有11分钟就到10点，暂时有见指数定于26400点呢个位附近，呢个位系㖊作战室日出好仓时望住嘅上方目标，虽则话街货 VS 技术分析多数都系前者胜，但亦都有见过企住喺重货前面一层都唔再打入重货位去杀。
港股上到呢个位或都连佢自己都要谂下点玩。眼见隔离韩股、日股都创晒新高，真系有种恨铁不成钢嘅感觉。
韩日两者秤日，皆因香港有N225嘅轮可以买得到。日线图上有见 $Nikkei 225 Index(N225.JP)$ 于今日保持处于高位，60000点近在只咫，「圆底」颈线亦已经上破咗，保历加底线向上有见将整条保历加通道扭向上行，咁变相要小心Slow STC(14.3)两线于超买位出触顶向下，股价一旦同步被抢下的话，咁就要睇住下方嘅10天线。
$JP-N225@EC2606D.C(10103)$ ，行使价60000点，同现价得0.96%价外距离，博佢一爬到上60000点嘅话由价外即价内，可以食埋内含价值。
平时比较少睇成交，但冷门Underlying系另计，呢只对比上嚟算是活跃，如果用相约条款嘅日经Call嚟比较嘅话，佢嘅杠杆同引伸的确系争少少，但就当比少少杠杆同引伸嚟当系换成交围炉啦。
作者阿珊，以技术分析专心玩轮证，
唔贪心，努力赚取我家肥猫罐罐ฅ^•ﻌ•^ฅ。
精彩评论