㖊日拣咗只 $UB#HSI RP2812D.P(56966)$ 出嚟，按Patreon出文后再睇完文有见 $HSI(HSI)$ 仍然低走于五分钟图10线，但对比作战室出嘅淡仓都真系慢咗成个钟有多，都预咗呢注淡仓系上半场嘅水尾。
但如果呢注淡仓Hold到过夜嚟今日嘅话，又唔同玩法啦㖞，今朝指数裂口低开之后，将个开市价同牛熊证街货并埋之后，就见指数已经向下踩住牛证第一层街货26000至26099点，而重货区就系第二层25900至25999点，伸长可及都觉得远，根本就饮来张口已经可以。
作战室淡仓出动到大约10点前，大家都执好格仔，合理，五分钟图低位有出「锤头」嘛，呢啲阴阳烛形态喺作战室讲到就识背咁滞；跟住见指数受制于10线以下，再慢慢行出「长方形」，底线位大约25893点。
换小时图上见保历加通道口拓阔，Slow STC(14.3)两线亦见向下，坦白讲淡仓都想继继续落去，甚至想拉埋个日线图出嚟Put过去。只系暂时换日线图见依家10点34分，指数于50线位卡住，如果佢出Swing Trade嘅话，真系可以出只Put出嚟向下望住条20天线。
只系见依家市场上嘅恒指Put，行使价由最贴价价内嘅26069点，一下子去到最贴价价外嘅25200点，7月底到期呢批嚟计嘅话，要再拣只低引伸嘅同低街货嘅 $SG-HSI @EP2607B.P(26022)$ ，行使价25074点，同现价有约3.28%价外距离，对比同一收回价嘅Put佢系属于低街货、低引伸、高杠杆。记得呢一注如果用日线图去做嘅话，咁反过来可以等指数确认低走50天线之后先出，睇吓食唔食得到日线图SLow STC(14.3)触顶向下。
最后，睇返星期二(4月21日)拣出嚟嘅 $JP-N225@EC2606D.C(10103)$ ，今朝有见日经扑到上高位60013点，都算是到咗之前计划出Call嘅目标价60000点，惜指数向挫升转跌，(10103)讲到明都真系冷门货，见日经到步后急转向下，(10103)都唔好再摊，拿拿声收工；如果仲守落去嘅话，咁10天线都真系要好好守住。
kabutan.jp
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
精彩评论