㖊日拣咗只 $SG-HSI @EP2607B.P(26022)$ 出嚟，主要系借日线图Slow STC(14.3)向下+指数向下失守返10/50/100/150线而出动。但讲咗唔驶急住出货，可以等到临收市前10分钟，见指数低走上面堆平均线最低嗰条50线嘅机会系大嘅话先至出动。
今朝见 $HSI(HSI)$ 向下低开181点，报25733点，一步入到重货熊。及至开市后有见指数于25700点边皮位游走，作战室先预咗25700至25799点嘅重货熊会被全数收回(即系食乾净)，但就唔预佢一开市之后会出现大插，因为睇过五分钟图同小时图嘅Slow STC(14.3)两线都已经/接近超卖位，特别系小时图㖊日已经出咗超卖再超卖成日，嚟到今日都仲要出超卖再超卖嘅话，咁真系要好惨淡先得。
所以，喺作战室都预咗Slow STC(14.3)向下压多一下之后就会出触底上行嘅机会；即使指数依家企住喺牛证街货层，但咁样嘅技术指标摆位，淡仓都只系偷住去。
再换个日线图出嚟，依家9点53分，恒指最低暂时见过25667点，而日线图嘅20线见25665点，2点之差接住指数无再向下，系咪今日要测试条20线?!
的确，如果呢条线穿唔到嘅话，咁指数都叫做仲系保历加上升通道里面运行，咁只(26022)先走保正数。
今日星期五，如果今日已经清咗只(26022)收咗正数嘅，OK啦；但如果喺稍后嘅时间见指数有再往20天线走多一次，但最后都系穿唔落嘅话，(26022)都真系唔好留啦，先走保正数嘛！
作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。
精彩评论