㖊日无拣到货出嚟，皆因期结前夕都有担心 $HSI(HSI)$ 会吽住走，纯以街货方向走的话，淡仓出动系秦较适合，只系真系无拣到货出嚟啫；作战室就梗系另计啦。
又嚟到期结日，即系咁又过咗一个月，㖊日先同个中学同学讲日子过得快，系啰，有个老友咗又过咗加拿大一年；然后我又老咗一岁啦...多谢你张手写生日卡同礼物，重拾返中学嘅回忆之余，仲要刚刚好计到咁准正日收到，你叻！
今朝指数升162点开市，不过作战室都系选择喺开市之后睇返指数向边一个位走先至再决定出乜仓，唔选择顺U盘即追系因为都有见指数小时图&日线图头顶都有一条摆位比较近嘅平均线喺度。不过，开市后10分钟见指数高开低走完再向上扑返上25900点楼上，之前担心嘅线位都过晒。
作战室好仓都系喺9点40分左右出好仓，刚好食到一棍大阳烛，坐咗上顺风车上到26000点楼上，动作快嘅咁样一支大阳烛再搭埋轮证嘅杠杆，都已经够完成一趟爬格仔；系呀，作战室啲Day Trade动作快过你点支烟。
「竟然夹上唔夹落?!」有战友提到，系啰，我本身都系咁谂，话晒下方牛证都有三层系每层过千张期指街货架；不过顺势偷完一注好仓之后，都等紧小时图10点后Update：会系上到保历加顶线/50线后遇阻向下，还是推开保历加通道口，拖住Slow STC(14.3)一齐上?!
10点后终于有答案，小时图上见线都未掂到就已经向下，五分钟图开始换上用保历加顶同10线夹住指数行，偷步淡仓嘅战室再开埋糊可以返去工作啦。
先堜只 $DS#HSI RP2802F.P(61077)$ ，收回价26300点，同现价有约300点距离，有约54.2倍杠杆摆明Day Trade，先拣淡仓系因为依家10点12分见指数有扑上去26000点多一次，但画住顶线唔过向下再回，顺返Slow STC(14.3)向下行嘅话，先睇10线。
又如果10线有接得住，决定今日用五分钟图嘅保历加顶线同10线夹住做Swing，配Slow STC(14.3)超买/卖触顶/底上落嘅话，咁 $DS#HSI RC2811N.C(57544)$ ，收回价25600点，同现价有约400点距离，杠杆有约54.2倍，同上面只熊一样都系有逾50倍杠杆，讲多句Day Trade之余，留意注码。
作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。
精彩评论