㖊日拣咗只 $UB#HSBC RC2809L.C(56147)$ 出嚟，讲到明都只系做 Day Trade，同时睇住小时图20线，企得住嘅话先至出动，如果唔系嘅就睇返五分钟图，借返平时啲Slow STC(14.3)睇吓有无得做Swing Trade啦。
以㖊日出文后11点小时图Update咗之后计，股价有串过小时图，只系喺上半场完场前守返上去，未算企稳。
中午 $HSBC HOLDINGS(00005)$ 出咗份符合市场预期嘅业绩，不过市场明显唔Buy，午后返嚟见股价大阴烛向下，由142蚊直插到大约136蚊，恒指亦都被佢拖累将跌幅扩大到逾100点，再次失守23100点水平；多得收半场前有战友提醒借汇控业绩嚟出淡仓呢个策略。
的确，炒业绩呢个游戏同佢条件好同唔好都无乜关系。业绩好价升同业绩唔好价跌，唔难理解啦；但系业绩好价格，可以解读为趁好消息出货/管理层对公司前景预测同市场有落差；而业绩差但股价上，亦都可以被讲成最坏嘅时间已经过去，最差嘅情况都已经出现晒...之类；总之，分手同一齐嘅理由有好多，但结果只得两个。
至于第二个出食策略系用返平时嘅五分钟图Slow STC(14.3)做Swing Trade，拣好仓的话即系等触底上。有嘅，就系出咗业绩之后嘅下半场出现，不过，呢一注都系要负数。
今朝 $HSI(HSI)$ 高开后暂时呈先高后低走势，小时图上有见SLow STC(14.3)处于超卖位准备触底上，再加埋23000点有似接住指数，但同时上方10/20线亦出紧力，顶住指数唔比上咁。
换个五分钟图出嚟嘅话，暂时作战室先好后淡两注偷格仔货都已经一早偷完，因为见指数回落到中轴位六七次都穿唔到，同时开始窄幅上落，所以都系等方向中。
睇多次只汇控，如果㖊日注好仓系借五分钟图SLow STC(14.3)做Swing Trade而有留过夜嘅话，咁今日反而正数中；的确有少少心动想再偷多次好仓，但系你都知㗎啦，唔忿气呢三个字随时累死人；反正今日病病地，方向又未有，都系乖乖地等收市再等睇医生啦。
最后，借个位帮自己卖吓广告，反正呢个专栏写咗11年都唔知有几多个人见到嘅；创升智慧策画嘅《窝轮基础与趣班》(aka 窝轮BB班)已经开始招生，11月9日晚就系第一堂，亦都系我人生中除咗以前喺公司教啲小朋友轮证之外嘅第一次对外「教轮」，有兴趣嘅就去创升智慧嘅FB，嗰度有个QR Code嘟完 > 报名 > 课金，就到时见啦！
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。
资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。
精彩评论