㖊日拣咗只 $MS#HSI RC28123.C(61471)$ 出嚟，还好出文后指数都仲有得再上，午前冲到见247，首八层熊证全数被收回。而(61471)虽然有正数，但只牛太「重」啦，已经拣到最高杠杆同最贴价㗎啦，但都成毫三子跳唔起，不过正数就算啦。
急弹嘅后遗症通常都会急挫嚟打回原形。今朝起身见隔晚美股跌近1800点，韩股开市就溶断，日经一开亦肚泻mode都就知咩事。
$HSI(HSI)$ 今日低开300几点，落返去24400点边皮位之后，本身喺小时图上面见到㖊日最后高挂「十字星」+Slow STC(14.3)转方向下行，谂住有得再落，但换个五分钟图有见指数企咗喺100线，及至开市之后有见指数两次踩得住条100线再上，于是变阵以好仓追上，10点前有见指数向上扑返最近嘅10线后，先收起大约150点正数，安全啲好。
依家10点9分，五分钟图上见指数暂时处于保历加下降通道运行，不过反手都未系好确认出得到(有入过Discord嘅都知我份人系几咁保守)，皆因五分钟图上见10线位都未完全穿得到，依家出仓喺我眼中都只系当偷步mode。
再嚟到依家10点20分，指数重新落返去245，作战室淡仓出动咗嘅，依家应该数住格仔，睇吓边个位走。
暂时计指数都开始用返相对窄位嘅幅度运行，而作战室目前都只系用五分钟图嚟借线偷位；所以谂住揾只个股出嚟呢度睇睇吓有无得做，但揾揾吓揾到呢只曾经热门嘅冷门嘢，不过个图真系得呀嘛~图表派就系咁盲目㗎啦。
系 $GALAXY ENT(00027)$ ，日线图上见股价㖊日随大市高走过150线，不过佢系高开低走但全日升，所以出咗支实心阳烛，今日亦随大市下行，低走返条150线，Slow STC(14.3)两线于超买位有似%K线低走%D线。
换保历加通道有见整条向上，咁所以有条件出返Swing Trade之下，触顶向下有可能出现到。
不过，现市时场上得返唯一一只银河Put，熊证都无晒啦，呢个位先系最Kick嘅，就系 $JP-GEG @EP2706A.P(18870)$ ，行使价29.3元，同现价有约16.3%价外距离，出年6月先到期，因为得一只所以杠杆同引伸都无得做比较，低街货系事实得1.9%唔驶比啦，但太冷所以未见有成交；用嚟当练习下睇图啰。
谂住出文㗎啦，都10点38分，见指数企得住24700点楼上，五分钟图作势见三线支持， $HS#HSI RC2810L.C(62095)$ ，收回价23525点，同现价有约1080点距离，杠杆有约21倍，已经系全场数贴价牛群中杠杆最高，今日新上所以未见有街货。
作战室都等紧睇吓有无位出第三次好仓，大家都睥到条中轴实一实。
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。
精彩评论