社区

 （纯文字）散户之操作心德分享 多谢大家。 好耐无出文，因为大家都系钟意睇啲好Juicy、好刺激晚帖，一啲「阿婆式吟吟沉沉」既有益文字，阅读起黎更显艰涩，自然唔受欢迎，我都懒得写。 不过，突然有感，写下来，有缘人看到，好，用得到，更好，总之，多谢阅读🙏 最近老虎平台推送左一个信息，想鼓励创作者写文，其中推介左一个主题：「10万美元以下投资者的规则：股市需要注意什么？」，我都系呢个主题中既人，所以我都算有资格讲下。 其实我呢种资本唔高，但想资本翻几倍既人，一系赌一铺赢大钱，一系就学识投资之道，前者只要好运，唔需要太多技术，咁就可以一夜致富，只要唔好大贪、输突就好。后者讲求钻研，纪律、信念系有要求，要慢慢累积经验、摸索适合自己既操作风格，能持续及长久既方法。每个人各有不同，但有啲基本素因都系共通。属于后者既我，又系献下拙，讲下有乜基本因素。 第一系风险控制。 我都经常挂口边，而有几种方法做风险，最常用系止蚀，第二系注码大小，第三系用对冲工具，例如期权。 第二系风格。 最重要系操作手法，用长渣方法去短炒，或者短炒方法去长渣，呢啲都系死多过生。其次系密食当三番，定系放长线钓大鱼，一食食爆棚？边种风格都会影响操作。 第三系保护利润。 最紧要赢左唔好输突，来回赢少少已经无问题，慢慢累积就会有效果。 第四系识接受、放下。 除左赢输要接受、放下，仲有样野都要留意，就系Missing out ，要接受每一日都错失赢钱机会，否则，长期留意自己错失的机会，会令到聚焦唔到应该要留意既野。 第五系耐性/信念。 呢点尤其系长渣既时间，最能展现出黎既特性，当然呢点对于止蚀/风险管理下，系心理上要平衡两边，要花好多气力。 以上系我想讲野意见，细节唔详细讲，因为都系啲大道理，若然有唔明白，讲知多啲，欢迎发问，更欢迎分享、指教。 最后送4只字俾大家：会过去的。

收到老虎证券邀请，对于 财报季 发表下意见。 市场趋势（S&P 500和Mag7的ROC表现） 一如以往，我主张系唔好估，先睇数据，以下系我用EXCEL做左一个小统计: 20250728 小统计 我用左2个工具 : ROC同RS， ROC即系价格变化率，系现价对比某段日数既百分比，当要比较不同个股或资产时，可以统一单位作比较。 而RS杷对强弱，但唔系RSI相对强弱指数，系两种有价格资料的比例，当要知道不同个股系强弱于大市，又或者比较之间强弱之用。 可以见到系 S&P 500: ROC10 = +1.97%, ROC20 = +3.6% 由数字睇到系上升趋势。 再睇MAGS， MAG7 ETF: ROC10 = +2.75%, ROC20 = +3.92% MAG7的ETF，佢算系一个均权ETF，代表MAG整体走势，见到 ROC10/20 跑赢 S&P 500，而过去10天表现更比较突出。 我可以咁讲，系财报季前，未见到有江春鸭出货，即对于业绩的好坏，都有左一定程度支持。 个股分析 (RS) ROC10 RS(对比S&P500)数值 GOOGL 0.273 NVDA 0.342 MAGS 0.713 AMZN 0.772 AAPL 0.780 MSFT 0.926 META -1.721 TSLA -7.421 ROC20 RS(对比S&P500)数值 NVDA 0.361 GOOGL 0.440 AAPL 0.567 MAGS 0.920 AMZN 0.990 MSFT 1.007 META -1.264 TSLA -1.543 数值标准系 1，数值为正而小于1，即表示强于S&P500，数值为正大于1，即跑输S&P500，而数值为负表示与S&P500表现相反，以10天及20天黎睇即系有亏损。 咁样就好快知道个股

多谢 @Tiger_comments 多谢 @老虎证券

要知道自己适合的投资大环境 大家好，2025年啱啱过左一半，我又分享下上半年既心得： 2025年上半年我的投资表现 上半年我对我投资组合表现十分满意，但比一众高手系远远不及，之不过能够跑赢QQQ，我已经好满足。 虽然系一件乐事，都要记住「会过去的」，极否泰来，物极必反，低潮时要忍耐，高光时要谦卑。 就好似最近一星期，接连操作不顺，分享下我做过乜操作： 呢个星期录得亏损的操作 好似过去两日，曾经买入6168 及Tsla ，但好快就止蚀离场，操作上无任何失误，有止蚀有注码控制，咁唯一可改善既地方，就系建仓时机不对，既然系咁，我地又睇睇大市先： S&P系休市前再创历史新高，每日既升跌只数表现更好，表示大市十分强劲，系呢个背景之下，我仍然录的亏损，即现况不利于我。而由我所见，我之前录得盈利既模式，系呢个时间并不适用。 大市屡创新高，但属慢升格局，成份股最为受惠，资金会分散买入各种股票，就唔会咁容易有资金集中的表现。于是，我要理解环境已转变，再回望下自己持仓： 截止今日的投资组合 我既持仓中，好似NVDA呢种，就受惠于慢升，每日都录得盈利，相反CRCL 及 OUST呢种热炒既股票，系呢段时间表现就差好多。 我今日静静咁思考，点解果两个操作既问题，好有可能就系市况唔就手，所以先会录的亏损，但无论乜原因都好，减少操作及睇市，会有帮。 今晚系美股休市，大家都可以松一松，星期一先再黎过，祝假期愉快。

今早既突发新闻，大家都知，唔多讲。 油价急升最多13%，黄金急升最多2%。 S&P500 期货急跌最多2%。 大家都应该好惊，或者有啲虎友磨拳擦掌要沽空。你问我点睇，第一句都系果句：唔好估！ 先睇睇S&P500 VIX 期货： 20250613 S&P 500 VIX 落笔一刻VIX期货已经升到 21 ，相信开市时VIX指数应该升穿200sma，即系S&P波动性增加，风险加大。 方向我都系唔会估，尤其系今朝做功课时有一刻想沽空，但咁做既话，有啲野会lost左，所以就放弃呢个念头。 但我有操作： 先系减持ETH，呢个寻日ETH 突破时，将BTC换马，但唔估到1日已经跌左10%，真系垃圾。 250613 ETH持仓 上图已经系减持左50%货量的纪录。 而今晚开市时，如果大市继续恶化，会积极平仓，减低风险。

多谢祝福，安心坐货。 叫爸爸！

S&P500 由今年高位 6147.43 跌到 4835.04，下跌1311.39，即系高位跌左21%，历时42日。S&P 已经升到5970.81 ，距离高位只有2.8%。你问我系 突破爆升 定 双顶回落？我知就发左达啦😂虽然不知但不猜测，我地用一啲客观数据睇睇：20250605 S&P500 VIX 截图S&P500 VIX 指数代表 S&P 500 的波动性，而家可见VIX越走越低，代表不稳定性较低。20250605 S&P 截图利用平台的趋势线功能，好明显见到系上升趋势。用呢两张图观察所得，S&P而家系一个慢升格局，而我地而家有左一个观察结果，可以假设一啲情况发生：1.VIX 如果急升，比较大机率既情况系S&P 已经急跌 或 将会有一个短期波动大既情况出现。2.S&P 收市价低于5月23日既短期低位，或者突然急跌，都系改变左上升趋势。（但不是指明会出现下跌趋势）3.如果VIX 继续保持平稳，S&P会系行一个波幅低情况。（但个人系睇好。）所以我地可以好简单做到一个Forecast ，当之后发生预计内既情况，可以即时反应再进行操作。而家既我都坐满左货：20250605 美股仓位所以慢升对于我持仓，可以话十分有利。但获利同时，都要观念市场情况，当有任何环境改变信号，就要即时反应及操作。不过唔系因为你睇到任何一篇新闻或消息，系要用一啲十分客观的数据，例如价值，如果某股票突然下跌30%，唔洗问一定有事发生，第一时间系止蚀，而唔系问点解。希望大家钟意我既分享，谢谢🙏

PLTR 寻晚亦跟随大跌，盘中一度大跌14.41%，至$95.91，收市时报$106.27。 我都趁住急跌，沽左少少货。 但我好快发现，系大市最低位时，NDX的成交量： 然后我对比PLTR的成交量： 以上是我落笔时的资料补充，而事实是我见到的是，PLTR 的成交量占NDX的1/3，当时有一个谂法是：大市大部分股票下跌，而钱会流去边度？而PLTR的成交量如此大，系咪有资金流入（因为如果系人踩人式放量下跌，应该唔止14%）？ 当然大胆假设，小心求证，系我再观察多1小时，跌势回稳，无再有放量急跌PLTR系$95.91做左底，当刻视为底部，当股价回升至$103水平，便在$102设定买入盘。 今次最主要分享系成交量的睇法及对于PLTR的乐观睇法，不是任何投资建议。 $Palantir Technologies Inc.(PLTR)$  

我早两日做左一个统计，由25年1月13日起到2月11日为止，边啲股票表现最好，其中见到，服务我地既券商 老虎证券，表现出色。由1月13日底位的阳烛，到寻晚的大爆发，已经累积43%的升幅，冲击24年12月9日的高位。虽然好多人包括我，都捉唔到呢一浸既升幅，但而亦系一个好时机。 首先强调一件事，我不是任何证监会认可人士，呢篇文所有意见纯粹个人投资经验分享，不构投资建议。 虽然寻晚收市，系图表上型成两顶，但系早前小米的教训，不能如此简单判断，反而应理解为一个机会，而且系呢度要加入主观偏见：睇好。 咁系睇好既情况下，现在既 TIGR，应如何部署？首先希望出现一个买入位，最好系1-3日的缩波缩量，咁就系一个舒服既买入位，或者系呢种短期内爆升既股票，可能连缩波缩量呢种回气位都无，今晚就再爆一支大阳烛，咁既情况下，系开市初段要留意成交量，如果发现成交量异常，可以立刻追货。 留意，以上郁系基于一个主观睇好下既谂法，咁如果我既主观谂法系错既，出现坏既结果，咁点算？我地可以系入场前，计算自己能承受既金额，注码控制风险，及必须设定止蚀，咁既话就可以防止系坏既结果出现时大败。 $老虎证券(TIGR)$ @老虎证券 

今日回顾一下，呢个大市最近期既低位。 SPX当日创下自统统大选后低位，截至寻晚升幅为5.08%，最高升幅为6.15% 恒指当日创下24年10月7日以黎最低位，较最高点跌19.66%，至截寻日由该低位升左15.2%。 美元指数由当日创2年新高后，跌左1.43%。 美国30年国债收益率，亦由当日1年高位跌左5.91%。 当日最主要既市场消息是美国12月就业报告强劲，削弱减息预期。但透过CME Fedwatch睇到减息预期一直下降中，由24年12月19日对上既一次减息后，2025年减息预期，一直指向全年减息1-2次，25年1月13日亦没有出现明显转变。证明该消息根本唔系大跌原因。但当日开始，格局已经静静转变左，大量资金流入港股，而美股虽然亦有资金流入，但弱于港股。而我有入QQQ，但好快食左糊，但原来已经企左系风口位，无把握机会，错失升幅，因为我既大局观无转变，未能及时察觉到形势转变，所以就算有持货但盈利大幅减少。 同场加映，我系1月24日出文，估计小米会出现双顶而回落，但截至今日落笔一刻，已升左18%，以此为记，欢迎耻笑。 $标普500(.SPX)$  $小米集团-W(01810)$