社区

系星期一早上的帖子，当中我提到大市走势，今日回望，又系得啖笑。星期一晚SPX又整支低开高收既阳烛，然后经过4日又慢慢升到上星期五既开市价，再睇一睇图，好容易睇到下降通道/旗形出现左。不过我就睇成横行通道，星期三收市价突破顶部，因此主观睇可能系假突破回落，但另一面系有机会突破而上，但向上向下都好，肯定未系入市机会。

今日想分享多少少野。

最近系社交媒体上，见到呢个帖：

亦都系我最近既心情，学习技术分析既我，表现比一只PLTR 差好多好多，信念派一个捞低，已经有40%以上回报，再加上大市而家玩画图，方向未明，所以我真系觉得好郁闷，求其买只比我用心做功课赢得多。谂左阵，呢个可以系我信念既一个考验。

同时又谂起有位前辈，无意间笑_我：你呢啲资质，唔好学人炒股票啦。

呢句说话我系有上心，但无改变我既行动，投资，系一门自己功课，每个人有不同既追求、课题，学习理财系其中一个方法去达成呢啲事，而投资系理财一部分，所以我系无任何理由放弃投资，反而要更努力去克服。而呢一门功课，无人可以直接帮我，所以无需要同人比较，唯一既竞争目标，就系过去既自己。