社区

开始倒数要返工嘅日子，准备下个星期二做半Day之后就开始放假放到再下个星期一，初六启市(应该无数错)，Yeah!!!

睇返个市，今朝开市升102点，开市报19881点，明明系作战室Mark住等指数高开低走出淡仓，仲要画定个Range大约预计指数弹到去边个水平而准备淡仓，少少出意外就系佢弹穿咗画出嚟个Range，慌忙下同战友一齐追好仓，3分钟唔够见平顶即走货再做反手，到依家9点57分，指数有似向返今朝开市价方向出发，咁呢注淡仓就可以玩耐少少。

日线图见 $HSI(HSI)$ 早两日出高位「十字星」后未再有向上挑战条V弹颈线，但同时下方有一个裂口位喺度，所以指数暂时向下稍回到裂口位前。

的确呢一刻小时图Slow STC(14.3)两线触底向上仍然都系想出淡仓嘅致命伤，同步喺10点12分开始有见指数于五分钟图嘅中轴线企好。小叭喇又系企喺中轴位，又要做定两手准备。

$HS#HSI RC2708N.C(68018)$ ，收回价19600点，同现价有约347点距离，杠杆有约43.4倍，唔驶企咁近但又有逾40点杠杆，企得住五分钟图中轴的话，就当借呢个五分钟图行Swing。

但如果向下穿过，借日线图V弹颈线唔过继继续向下落的话，咁 $HS#HSI RP27044.P(65431)$ ，收回价20268点，同现价有约350点距离，杠杆有约52.4倍。

又差唔多到10点半啦，啱呀，作战室今朝先好后淡玩完啦！

作者阿珊，以技术分析专心玩轮证，唔贪心，努力赚取我家肥猫罐罐。