社区

9月结束，一数之下9月份竟然有高达20次于【轮证赢家】文中是成功出仓；而整个9月份是有22个交易日的。 总括本月在22次于策略上成功出仓中，10%以上的赚幅的，有10次，10%以下的有6次，亦有四次录得负数。 因所有计算并未计及透过交易而产生的费用，故单计以10%以上正数作为真正的赚幅的话，本月其实真正赢面为50%，为第三季画上一个完美的句号。 本月只有一注为过夜注，是于8月尾带至9月头；但当中成绩最好一次是Day Trade的，反映有时侯都不一定要靠裂口来冲正数。 第四季加油 !

㖊日拣咗睇返星期一喺强少嘅Youtube Channel「CK Chan 不止是投资」嘅Live度提及过嘅只 $CHINA MOBILE(00941)$ ，亦都执返只 $UB#C MOBRC2809D.C(59908)$ 出，都讲到明以中移日线图计，走势都真系有可以再好啲，虽然Slow STC(14.3)两线保持往超买方向走，但始终股价仍然处于「长方形」中横行，保历加通道口亦都未见到有拓阔嘅情况，所以呢一注偷嘅话，都系咬住个区间位嚟做，可惜位窄，最后都系和咗个手续费后，志在参与咁款。 而如果选择继续hold住注货去等区间位破位嘅话，依家9点57分见日线图低走10/20线，未到保历加底线嘅，若然系用尽呢个区间嘅话，就要𥄫实保历加通道嘅走势，只要都仲keep得住呢个区间底就有条件向上抽多一下；否则落到区间底但又见保历加底线向下嘅话，咁好仓都真系无得再留底啦。 睇返今日 $HSI(HSI)$ ，依家10点6分其实作战室系未出仓，算是少有但唔罕见，因为Plan定出淡仓纯往街货方向走，但系一开市就出咗粒劲大嘅「十字星」出嚟，真心咩胃口都无晒。再到依家指数于五分钟图内夹住一个大约40点高嘅区间位上落，方向都未明，依家落注真系赌钱一样，所以都系再等吓先。 嚟到依家10点18分，五分钟图上见指数慢慢地向上过咗10线，作战室第一注试水温mode决定顺返大市方向走嚟先出好仓，不过都系极短睇住20线先。 如果到出文后你再睇完嘅话，指数已经再有条件扑过20线嘅，就

㖊日拣咗只 $JP#HSI RP29064.P(60287)$ 出嚟，因为出文嘅时侯都见五分钟图比返个Swing Teade下行嘅走势出嚟。持货至下半场有见Slow STC(14.3)落到超卖位，唉~ 其实五分钟图上睇返 $HSI(HSI)$ 亦终于都肯向下穿过中轴线，保历加通道亦都已经收窄咗，所以都系趁机走只(60287)算数。 虽然㖊日注货平均少输两格，但都总好过之后被困住喺窄位里面唔上唔落先啦。但呢注货系无话过夜嘅，而如果自己揸住有过夜嘅话，今朝开市后见指数即低走应该正数收工。 作战室今朝都快速走咁一转淡仓，再喺9点41分画到五分钟图出底线之后，说实话下一句都未打完已经有战友做晒反手，因为喺作战室玩得耐嘅除咗已经熟习咗个个市点行之外，仲已经慢慢建立好属于佢哋自己一套嘅交易方法，咁就啱啦，作战室开出嚟嘅目的就系要咁啫，唔系要边个跟边个，系要你自己帮自己Set up一套完全属于你嘅交易系统，我同其他战室只系负责喺侧边做吓啦啦队㗎咋！ 依家10点5分，小时图上有见指数虽然出咗下影线抽返上去，不过始终都过爬唔返上小时图嘅10/20线位；又期结日都无人话过一定要系升嘅，根本个底都同以前唔同晒，所以真系好难用以前嘅玩法。 㖊日下晏又系强少嘅Youtube Channel「CK Chan 不止是投资」度睇咗只 $CHINA MOBILE(00941)$ ，都有讲明唔系100% Buy晒佢依家日线图嘅走势，虽然股价仍然高走于10/20线之上，但因为长方形格局喺度，再加上保历加通道口劲窄，一系出啲高少少杠杆嘅产品嚟做Day Tra

上个星期五见 $CATL(03750)$ 企唔到喺日线图10线，所以决定反手出只 $UB#CATL RP2812O.P(59705)$ 出嚟，借小时图底线穿咗而出货后，曾经平均有三格落袋但执到...最后喺下半场2点有见Slow STC(14.3)确认%K线高走返条%D线，方向开始走相反所以走势算数。 㖊日星期日同我家老爷两个入咗海水公园度睇我都唔知算唔算叫做新但总之我无去睇过嘅爬行馆，皆因有均属于濒危物种嘅七彩变色龙同犀牛鬣蜥，我家老爷好怕/唔太喜欢蜥蜴，再加上㖊日嘅天热(我件姊都湿完又乾，乾完再湿咁轮回)，佢都真系冒死咁；不过就导咗佢少少钟意咗条角蜥。当然仲有睇其他动物啦，但佢哋全部都系得到护理员嘅悉心照顾先至咁健康成长嘅(我都系我家肥猫护理员，所以我好明白照顾一只动物嘅困难之处，更何况喺园里面嘅唔系一般宠物呢~)，所以咪乱咁买埋走私/非法嘅动物返屋企自己养咁痴线呀；唔喜欢嘅无问题，但唔好伤害。 叠加埋㖊晚嘅哈啰喂...坦白讲依家9点50分我都仲未瞓醒咁，而指数今朝开市升44点之后，搭正9点半就好似啲细路冲出去睇鱼咁，跑到上24700点楼上，一早喺作战室mark住小时图20线位，系等多一阵就知过唔过到，但我估战友今朝追上嘅话，一早爬完格仔lu~ 等到10点后有见 $HSI(HSI)$ 刚好企于小时图20线位，换五分钟图系有见保历加通道整条向上，所以指数同SLow STC(14.3)两线系有条件出返Swing嘅走势，只不过安全少少嘅做法系等指数确认到底系穿定系唔穿条五分钟图嘅10线啫。 喺10点9分时耷低头睇完电话个m

㖊日都系无拣到货出嚟，至于睇咗两日嘅 $CATL(03750)$ ，本身拣寅只 $HS#CATL RC2610B.C(55290)$ 出嚟，睇吓有无得借小时图横行中嘅保历加通道做趟Swing Trade，但连Slow STC(14.3)超买/卖位都掂唔到，唉~收得皮。 今日有见 $HSI(HSI)$ 再次低开，只系今日无选择低开后高走，用咗1分钟嘅时间由245直入到243嘅重货牛，作战室第一注抢淡仓手快嘅都只系得几十点志在参与，及至依家10点14分，恒指已经夹住喺大约30至40点区间位上落，系嘅，的确系等紧有无做触底上嘅条件同讯号嘅。 同时都等紧只宁王，因为之前mark住只好仓，大图嘅系上得到上日线图嘅10天线而去；捉day trade嘅先博小时图咁解。不过㖊日有见股价上到10天线前向下挫咗落去，线唔过又有淡仓产品，咁就更系小注试吓啦。 $UB#CATL RP2812O.P(59705)$ ，收回价550元，已经系市场上最贴价嘅熊证，杠杆有约7.5倍，依家少少有见小时图保历加通道口拓阔，底线都有少少过，但小心Slow STC(14,3)两线都已经处于超卖位，咁变相就要迫佢出超卖再超卖啦。 作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。 想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Books Store上架，可免费试阅。

㖊日出文时都10点半打后，向来指数最大嘅活动范围都完咗，定住喺大约24900点附近嘅位置唔上唔落，所以唯有变阵去睇个股，于是就拣咗只战友呢两三日都有睇住嘅 $CATL(03750)$ ，但由于睇位时都未见到好明确嘅方向，所以目前都只系处于等紧嘅状态，不过都执定只 $HS#CATL RC2610B.C(55290)$ 出嚟，睇吓有无得借小时图横行中嘅保历加通道做趟Swing Trade。 今朝 $HSI(HSI)$ 低开184点，一步下杀㖊日嘅重货牛247呢层(今日系第二重货，因为緀过㖊日指数下行之后，今日嘅重货位搬咗去243)之后，作战室第一注唔系plan淡仓出去，反而先偷一注捉低开高走嘅好仓，放心画住上方量度线同埋其他技术指标夹住嚟偷嘅，头10分钟完成偷格仔行动之后，再到依家9点53分，指数企返落去24700点呢个位，用小时图嚟量度嘅话，向上睇50线(约24811点)，同向下望住上星期五(18日)嗰开市裂口底24606点，两个方向都系大约100点距离，最憎。 「但系小时图Slow STC(14.3)依家有似出触底㖞...」明白出好仓嘅原因，但都唔好忘记保历加通道口有似拓阔，佢系可以迫到Slow STC(14.3)出超卖再超卖，更重要嘅系，指数依家个摆位系企近下方牛证街货层(如果佢选择向下再杀落去嘅话)。 10点后坦白讲都未系好见到个方向走到出嚟，即使指数喺小时图上有见企返上24700点/裂口顶上面，但走势上有似细路仔放暑假，用个一个星做晒份暑期作业之后，躺平七个星期咁款；睇市嘅唔怕上唔怕落，最怕横行。 再望吓只宁德，

㖊日拣咗只 $SG#HSI RP2902P.P(55159)$ ，只系谂住用嚟做Day Trade啫，借个五分钟图Slow STC(14.3)触顶向下走一趟，呢注走货位都真系大把时间，唔似平时急急脚走人，平均有11.63%正数都够买个Lunch啦。 呢注货亦都无mark底到要过夜嘅，因为拣嘅时侯都系以Day Trade为主；但如果你有淡仓过咗夜嘅话，今朝见到跌22点开市嘅时侯应该处于想闹与唔闹之间，及至开市见大阴烛向下插落去，同今日嘅天气有啲似：爽！ 今朝作战室见到跌22点开市，五分钟图上啲指标摆位都处于中轴水平，所以都系等开市之前有见指数向下冲先至顺力向追出淡仓；如常地10点前乜仓都清晒，先收第一注正数先，之后玩唔玩都无乜所谓lu ~ 10点后有见小时图条中轴都穿咗，而指数亦都落返去靠近牛证街货层，但作战室暂时都未再继续硬追落去，等嘅系日线图10天线(约24840点)同小时图50线(约24804点)呢个范围会唔会无啦啦接住指数。 向下过得到线再入重货牛更系最理想嘅走势啦，只不过指数唔穿你都吹佢唔胀。 既然 $HSI(HSI)$ 都无乜特别(佢可能都收工㗎啦)，又反正今日下昼都会同强少继续做YT Live，捉定只个股做定功课先； $CATL(03750)$ 。 坦白讲望咗佢几日都有喺500蚊度企住，而Slow STC(14.3)都一早出咗触底嘅，但迟迟都唔拎佢出嚟系因为连最近嘅10线都未掂到，如果要要求佢企返上10线先至有出仓条件嘅话，可能喺星期尾先至知答案。

㖊日拣咗只 $UB#HSI RC2807T.C(58126)$ 出嚟，借五分钟图10/20线踩得住先至好冲出去；或者借SLow STC(14.3)触底上行先至出动，而同时呢注好仓一出就系等同向10天线宣战，所以点都要推指数上过10天线以上水平先至收手。 由于有两个唔同嘅入货位喺㖊日都系可以成功出到货嘅，不过结果就好唔同；anyway，符合出场条件嘅都会mark喺【月度报告】里面，而呢一注就会以两个唔同入货位嘅结果拉个平均数嚟入账啦。 今朝指数高开后都有喺作战室Mark住小心开市后见低走，所以喺作战室今日第一注都系行淡仓先，去到见指数喺五分钟图上借得到10线坐返上去先至换好仓，向返住近熊街货方向出发。 依家10点半，小时图上有见指数目前借住100线再向上到150线，第二注好仓亦都喺呢个收工。 其实今日小时图见Slow STC(14.3)触顶向下，但保历加通道口都仲拓阔，150线前上影线出现，向下落又有100线接住，而两线差距有176点，都做够Swing。 先捉返淡仓向下走的话都唔好企得太近， $SG#HSI RP2902P.P(55159)$ ，收回价25568点，同现价有约380点距离，杠杆有约57.2倍，低街货，做Day Trade不错呀。 借埋个五分钟图做触顶向下嘅话，安全啲就10线确认失守时出动，先借五分钟图Slow STC(14.3)落返去超卖位，到时再睇返恒指嘅点数落唔落到小时图嘅100线啦。 再次感谢老友强少比我踩佢个新嘅Youtube Channel：CK Chan不止是投资，明日同星期五都会再踩场多一次，跟住应该10月10日喺佢嘅投资讲座度帮手带吓位同执吓杯咁，有兴趣去讲座嘅朋友可以上

上个星期五(18日)无拣到货出嚟，皆因出文时指数都卡住喺2478呢个位卡咗大半个钟，唉~ 无方向又点能硬出仓呢?!作战室有无货都好，都只能呆等。 望望月历，今个星期五(25日)就系中秋节，你公司可能会早放但港股喺中秋节系无半日市呢件事嘅；再到下个星期二(29日)就期结日，即系眨吓眼，今年嘅Q3又就嚟完结，准备进入Q4啦。 今朝 $HSI(HSI)$ 以微跌2点开市之后就即刻见跌转升，作战室喺开市之后见到指数向上有得追见比注好仓出去，10点前有见指数上到2488x点位置，数过第一注都有50点收到返嚟，叫做第一注爬完格仔，先收正数之后再睇10点后五分钟图条保历加通道系拓阔，还是底线向上仲未知，不过知道嘅系喺日线图上指数有似要爬返上10天线。 10点后有见指数开始定于高位唔多郁，所以都喺作战室度讲定清咗第一注收咗正数之后，第二注货再出之前先要确认指数系借到保历加通道口拓阔而行单边，还是同SLow STC(14.3)一齐出Swing走势；仲有第三个方向系以目前10点8分见指数约于2485x点运行 VS 10天线(24888点)之间有约30至40点距离，若然指数喺稍后时间都只系Keep住喺呢个范围做上落嘅话，咁可以做住嘢先。 如果单纯以五分钟图嚟做Day Trade的话，咁出Swing嘅次数点都系会比小时/日线图嘅多，按住依家10点11分有见指数同五分钟图10线开始靠近，又保历加底线开始见横向 假设10线接得住指数而又配得到日线图嘅Slow STC(14.3)触底上+向住近嘅熊证街货方向打上去嘅话，咁 $UB#HSI RC2807T.C(58126)$ ，收回价24528点，同现价有约354点距离，杠杆有约50.8

㖊日拣咗只 $UB#HSI RC2809D.C(60338)$ ，谂住借小时图条底线守得住而做一趟日内嘅Day Trade嘅，本身都唔系谂住上得返小时图10线嘅，只不过计漏一样嘢系，不论 $HSI(HSI)$ 行去边。小时图10线向下嘅话，都总会同指数相遇；还好㖊日指数上行，所以喺2点至3间期间已经掂到上小时图10线，(60338)可以功成身退；只系无谂到喺临完场前半小时指数再扑到上24600点楼楼上，创咗日内Day high啫。 如果只(60338)有过到夜，借小时图嚟见Slow STC(14.3)抽返上去超买嘅话，咁今朝早开市应该再可以咬多一截格仔，又系提早Happy Friday。 今朝指数高开后有见高走，作战室好仓追出之后，喺五分钟图第二粒烛见到「射击之星」物体时已经四散，于24800点玩咗一阵之后有见指数再上，系倾向指数今日靠近上方熊证街货而偏于出好仓，所以喺10点20分左右见指数再冲多次日内新高之后回到落到10线位附近，就决定借线接住而出第二次好仓，但可惜忘记咗时间，通常指数都系行1个钟到就开始Hea。 当然，我都系会high嘅嘢，依家10点33分指数有见于五分钟图上低走于10线，但点数上还叫做咬住24800点边皮位，还好有个位甩到身之后出返paper trade玩法，目的系重新捉返个市嘅方向。 至于小时图方面，指数今朝裂口高开之后有似向50线方向出发，同时SLow STC(14.3)两线仍然保持住往超买方向走，目前亦都只系得%K线上到超买位，呢个图亦都系另一个原因点解会倾向出好仓。 但指数唔行我都真系无计，一动不如一静索性等佢比咗个方向出嚟先算。 或者今日直接Happy Friday算啦。