社区

㖊日拣咗只 $CI#HSI RP2901S.P(56989)$ 出嚟，但出仓条件系要指数保持低于小时图10线，所以嗰一注系要等11点小时图Update咁之后，如果见到指数都仲处于10线以下，咁先至出动。惜11点时有见指数已经企于线上，虽然点数上无乜好大变化，但摆位唔同咗就系唔同咗，所以(56989)呢一注都系无出到。 至于只过夜嘅(68723)，由于喺㖊日嘅下半场开市之后，恒指扑上20天线位置，严守策略之下(68723)都要先行辙退；但就正正全日只系向上扑上去嘅呢一下之后指数喺下半场重新低走，唉~ 嘥咗注货，仲要平均比返6.x%出去，算啦，当买支旗啦，睇下今日可唔可以再入返。 今朝指数继续低开，恒指摆位直奔恒指牛证嘅第一层 aka 重货区，有预咗一开市之后呢一层都会即时全清，唯同时见五分钟图Slow STC(14.3)于超买位向似刚出触顶回落咁款，偷格仔注嘅就系偷借呢啲技术走势位嚟加强注货嘅准绳度啦。 刚好 $HSI(HSI)$ 开市后向下冲入去251后，喺日线图嘅100线附近亦都见停，过夜淡仓注都先以呢个位收一收割先。 至于即日市嚟玩嘅话，坦白讲都仍然倾向淡仓为主，皆因见小时图150线(约25259)出到阻力顶住指数，不过要考虑嘅系日线图约25176点呢个位，所以作战室都仲系用五分钟图玩紧Swing Trade。 依家已经10点38分，指数于小时图暂时有见「十字星」，Slow STC(14.3)两线系有见触底上行中嘅。咁啦，如果11点后有见指数于小时图上企得返上150线嘅话， $MS#HSI RC2807S.C(62650)

㖊日继续都系出淡仓，拣咗只 $DS#HSI RP28036.P(68723)$ 出嚟，但呢只注货系计划借日线图嘅26000前出「穿脚破脚」同低走埋20天线而出，所以喺文末都讲明可以稍等五分钟图/小时图见到指数上返去一个高少少嘅位先至出动。 如果用五分钟图计嘅话，咁喺下半场1点55分见Slow STC(14.3)上到超买位，借呢个位嚟出淡仓嘅话可以嘅，反正如果最后唔选择过夜嘅话，以(68723)都有廿几倍杠杆，Day Trade都OK嘅。 按策略将注货带过夜嘅话，今朝有见指数再低开多150几点，开到落去252呢个位，咁啱将第一层牛证全数收回嘅同时，亦都踩到牛证嘅第一层街货。呢个开市价+恒指呢个摆位，的确摆到一幅顺U盘+街货方向出淡仓；但另一边睇五分钟同小时图嘅技术分析摆位同 $HSI(HSI)$ 下行方向唔对，所以今朝喺作战室谂咗一阵，Mark定埋低开高走嘅可能，变成第一注系反手好仓出动。 依家10点11分，恒指一度转灯，不过唔系好企得稳；小时图亦都有见到Slow STC(14.3)两线触底上，但10线同时间见阻力顶住指数；再比多一个齐点数位嘅25400点来来回回，咬得仲烂过我家肥猫玩嗰块爪爪板。 过夜注(68723)仲有在手，呢注就借好日线图嘅20线做上方量度线；数够位唔想再过夜而清都可以，自己注自己话事。 至于即日嘅话，留意住小时图10线位做唔做到阻力，如果要叠加Slow STC(14.3)重新向下嘅话，咁可能要11点先至睇得到，呢注Day Trade可以拣返贴价少少嘅证如 $CI#HSI RP2901S.P(56989)$

㖊日拣咗只 $UB#HSI RP2812W.P(59359)$ ，喺10点30分，即Patreon出文后15分钟，已经见到指数向下穿过25900点呢个位。过到线出只(59359)，再用返逐线逐线向下打为原则的话，于4点35分已经见指数喺五分钟图打埋最后一条嘅250线，(59359)完成任务有凸；即使喺稍后时间见指数同Slow STC(14.3)出触底重上过10线后先走只(59359)，呢注Day Trade都系难得嘅由朝玩到晏。 㖊日临收市前喺日线图上见到指数出咗「穿头破脚」，同步10/250天线亦都得而复失，所以拣定只淡仓嚟过夜，谂住今朝食个低开裂口之后，指数有可能见即日抽，但抽得嗰一阵之后，指数向下再穿多次25400点，过夜淡仓先清嚟收今日第一注正数之余，有见指数誓要向下再杀牛证街货咁嘅款，所以即日淡仓都有再开出。 唯到依家9点58分，指数最低见过25331点之后，开始回返上25400前徘徊，淡仓在手都留意住10点后小时图Slow STC(14.3)两线应该确认落到得到超卖，系争在保历加通道口拓唔拓阔啫。 而日线图方面，整条保历加通道有似由之前整条向上变成于高位横行，Slow STC(14.3)两线早已经出咗触顶向下，今日摆位叫做喺中轴线以下位置，比埋㖊日嘅高位「穿头破脚」，成个样又系可以用日线图嚟出淡仓咁款。 用得日线图去做Trade嘅话，咁熊证就梗系拣到远一远㗎啦， $DS#HSI RP28036.P(68723)$ ，收回价26200点，同现价有约822点距离，杠杆有约28.5倍，低街货好紧要㗎，一阵要走货但人多起上嚟，先唔开有无人擘价，排队都排死啦。 但出货位要等一等，因为依家(10点10

㖊日拣咗只 $UB#HSI RP2812R.P(59976)$ ，用五分钟图嚟做一趟Swing Trade，皆因呢只熊证㖊日拣出嚟时个杠杆系够做嘅，所以呢一注持货大约一个钟到，平均都有13.25%进账。 今朝 $HSI(HSI)$ 开升61点，争两点就踩入26000点位置，摆位上系近上方熊证街货层，所以今日作战室第一注都系出好仓，博指数向上再杀熊证街货；但由于啲技术指标唔系太就指数上行嘅关系，暂时都只系爬住点数先。 喺作战室出紧好仓，数紧点数爬格仔嘅时侯都已经见到指数上到保历加顶线之后，有似掂一掂线就会出触顶咁款；再等到依家10点58分，Slow STC(14.3)两线已经见到于超买位%K线低走于%D线，又以首半小时恒指高位26060点同小时图保历加顶线26064点比，只系争4点。 所以喺10点后确认小时图保历加通道口无拓阔之下，捉触顶Swing Trade出现而反手出咗淡仓，向下先望五分钟图20线，逐线逐线向下打落去之前，比一比25900点呢个位一做个下方量度线。 㖊日只(59976)...要用唔系唔得，但佢嘅收回价系26200点，同现价得返300点都唔够嘅距离(所以今日见有过百倍杠杆)，自己动作快少少啦；安全啲嘅话可以睇只 $UB#HSI RP2812W.P(59359)$ ，比多200点位，收回价26400点，同现价有逾400点距离，杠杆有约59.2倍都够做Day Trade㗎啦，低街货+活跃。 先留意25900点呢个位支持力系咪咁强，穿得到嘅逐线逐线向下打为原则再向下望落去啦。 作者阿珊，以技术分析玩轮证，唔贪

多得只白海豚，呢两日啲天气都真系热到痴咗线，但梗痴线嘅系啱啱嗰星期六同咗个中同勇闯迪迪尼乐园，仲要系中午12点开始玩，冰水、遮、防晒、毛巾、湿纸巾、电扇扇做足准备，去到下昼3点顶唔顺入咗小小世界凉冷气，睇完巡游收队因为夜晚约咗朋友食饭，周日抖完一日之后到今日都仲好似未回晒气，又块面又㶶咗少少...姨姨老了...但辛苦喺室外工作嘅所有人(not only迪迪尼嘅员工，but also所有清洁、地盘等等嘅人)，真系唔容易。 睇返个市先。上个星期五(8月7日)无喺呢度拣到货出嚟，只系喺作战室同战友们玩Swing；还好下半场出咗注好仓时间爬格仔。及至今日应该睇住个日线10/250线爬唔爬得返上去，结果开升已经企得返。 依家10点13分，作战室今朝Plan出好仓，而so far亦都系得一注好仓，但已经任务完成咗，因为25800至25899点嘅熊证已经全数被收回。 下一步就系等五分钟图嘅10线上到嚟 $HSI(HSI)$ 前，就睇吓指数企唔企得住条线，企得到嘅话就好仓再推多次，博指数于10线同保历加顶线向上Swing Trade摇住上；否则淡仓出动捉向下落返去超卖嘅Swing Trade。 而小时图上暂时有见指数高位25899/25895点，争四点又未count得佢做平顶嘅，但下方50线做量度线应该问题唔大。 依家10点24分，如果呢个位借25900点前出阻力而去只 $UB#HSI RP2812R.P(59976)$ ，收回价26200点，同现价有约321点距离，杠杆有约64.7倍都知系Day trade用嘅熊仔，作战室都一齐反咗手出淡仓，但用五分钟图嘅平均线，逐线逐线向下打落去先，记得小时图50线位都要留意住呀。

㖊日拣咗只 $HS#HSI RC2812G.C(68077)$ 出嚟，借返五分钟图嘅Slow STC(14.3)嚟做Swing Trade。以㖊日Patreon喺10点半左右先至出到文，如常以10分钟时间去睇文之后再睇返个走势图，刚好五分钟图嘅Slow STC(14.3)有见触底上，按策略(68077)落得场。 持货至下半场3点半到，终于见到五分钟图嘅Slow STC(14.3)两线上到超买位，其数住(68077)得几格但无奈 $HSI(HSI)$ 真系唔愿郁，策略上达标亦都唔再留恋啦；都系嗰句：赢1蚊好过输1蚊。 今朝指数只系微跌3点开市，作战室都Plan唔到啲乜出嚟，因为呢个点数变幅实在太细，所以选择等开市之后，睇指数行出方向先至再追。 作战室里面不乏出仓动作快嘅高手，尤其是见到一两个讯号就已经识得扑出去嘅Day Trade王，首半小时先淡后好已经自行做完买卖；迟咗入嚟嘅或者安全派(我)就等10点小时图Update之后再睇吓咩情况。 依家10点8分，恒指嘅走势同今朝开市后个情况大同小异，小时图仍然有条底线接住，而五分钟亦行出「下降通道」与「平底三角形」重叠中嘅尴尬位，作战室暂时以出淡仓为主，不过都系以快打慢。 而喺呢度一贯用开小时图做Trade，但暂时都真系未见小时图有出到破位嘅情况，即使有，下方100线如果保持依家向上嘅步伐，随时11点后就会同指数相遇，届时又是另一个新关卡。 暂时呢个8月头喺呢度做到嘅Trade都仲系格仔mode，未有一注正数系多于10%。今日都似闷局走，小时图注真系未见方向捉得，索性休息一日算啦。 作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。 8月1日

㖊日拣咗只 $UB#HSI RC2807Q.C(69451)$ 出嚟，如㖊日大题一样睇吓小时图出唔出到Swing Trade。但事实系㖊日指数喺第二日咬住小时图中轴线，唔上唔落确实系难玩。 今朝见隔晚美股都仲著紧绿灯，本以为今日港股都继续企住喺日线图10/250线之上；但果然恒指系平衡时空，指数低开200几点之后再往下走，坦白讲㖊日有见五分钟图Slow STC(14.3)两线触底上系有小注好仓博过夜嘅，今日见到个咁嘅裂口，先系抢淡仓追落嘅同时亦都要甩走只过夜牛，然后用今日即市注淡仓嚟填返过夜牛嘅氹。 依家10点8分，还好指数今日向行嘅动力系够嘅，有见跌500几点，已经可以Cover注过夜牛(事实证明我都会输，一输仲可以输得好金!因为唔会有人可以只赢不输㗎!)，心理上都定一定之后，重新再部署。 其实有睇开呢个栏嘅知我系好少出过夜货，不过今日见日线图连10线都无埋，而呢个位喺作战室都mark咗成个星期，讲明一穿250/10天线，借日线图嘅淡仓掟出去，顺住已经触顶向下嘅Slow STC(14.3)落去；但又咁讲，依家被㖊日注过夜好仓吓一吓，搞到自己又唔系好敢出货过夜... 依家10点半，指数于25400点似乎跌停咗，同时五分钟图上嘅保历加通道亦都变成整条向下，目前指数处于保历加下降通道面运行，刚刚爬返上10线，而作战室今朝嘅淡仓亦都已收正数，告一段落。 「借返Slow STC(14.3)平时做Swing Trade嘅方法得唔得呀?」当然可以，但前题要指数企得稳喺五分钟图嘅10线先。 $HS#HSI RC2812G.C(68077)$ ，收回价2

㖊日拣咗只 $UB#HSBC RC2806I.C(62382)$ 出嚟，讲前题一定要股价企得住喺小时图10线先好；绩后出嘅就当自己系安全mode注；但以呢只牛嘅杠杆嚟做返五分钟图Slow STC(14.3)啲Swing Trade嘅话亦都系够嘅。 先睇安全注，㖊日中午收市后就出业绩，午后一开即冧过10/20线，虽然之后有见出下影线上返去，变相喺抽高嗰一下有可能出咗(62382)。 之后有见 $HSBC HOLDINGS(00005)$ 确认低走于小时图10线，及至3点终于都有见股价向上抽高重上10线以上水平，唯于五分钟图上见「射击之星」出现，(62382)难守，见高位企唔住开始向下缩出上影线，就趁机走人，小执三格当和咗个手续费。 咪以为今朝起身见到隔晚外围升成9xx点， $HSI(HSI)$ 就会好爽，结果高开高走之后转向下玩灯掣，依家10点20分，作战室先淡后好之后，依家准备紧第三次Swing Trade。 今日喺作战室用五分钟图做Swing Trade真系心很累，因为慢少少都会被chok死；但反而你会见到小时图平静如水，因为chok上chok落都系同一个水平，以小时图见佢就会变成好矮烛身嘅小烛仔；再化到去日线图只会见到(暂时)系十字星。 坦白讲日线图SLow STC(14.3)上到超买位兼keep超买再超买都好一段时间，见熊证成堆重货喺度都知大家系要博指数向下走，那怕只系大涨小回，小回就够，作战室都系咁谂，㖊日同前日嘅阴阳烛都高位出现咗「破脚穿头」，唯仲未开出Put真系有三大原因。 1. 日线图250线应该搽咗印度

㖊日拣咗只 $UB#HSI RC2807Q.C(69451)$ 出嚟，大方向先用小时图嘅10/20线作为下方量度线；再借五分钟图Slow STC(14.3)做Swing Trade。 呢一注做到嘅，仲要喺最近两个小时里面见到五分钟图嘅Slow STC(14.3)两次上到超买位，(69451)边一个位走都得，所以喺【月度报告】会将两个走货位都计晒出嚟，再拉个平均数嚟入账。 踏入8月，港股都开始进入业绩期，一阵中午12点有 $HSBC HOLDINGS(00005)$ 公布业绩，市场普遍都系睇返佢啲利息收入同减息周期能唔能够对抗得到之余，就系派息政策有无变到，始终呢只嘢都系收息族嘅首选。 依家10点11分， $HSI(HSI)$ 今日虽然高开，但作战室喺Plan定出好仓追嘅同时，比多一项条件系留意住指数有无出高开低走，确认无嘅话先至出好仓追，多得佢喺今朝开市后首五分钟已经见到高开低走，仲喺五分钟图出埋上影线，所以集体变阵反手以淡仓作为第一注。但嚟到10点后指数开始喺259附近徘徊，方向未明之下，唯有睇住只象先。 小时图上见股价呢两三日上到168.x元之后见止步，画到条顶线都真系几硬，今日暂时高位见到168.8元，又喺呢啲位又见停。至于下方10线支持力都唔弱，变相依家股价困咗喺10线同顶线之间...少少似出「平顶三角形」啦。 而换保历加通道见的话，整条系保持向上，咁即系佢都系比咗个条件出嚟可以行Swing Trade，先睇股价用保

上个星期五(7月31日)有睇到只 $CCB(00939)$ ，仲拣咗只 $UB#CCB RP2706C.P(60714)$ 出嚟，谂住Set上方小时图20线做量度线，睇吓有无得顺小时图Slow STC(14.3)向下。不过喺小时图上有见股价仍然贴住小时图嘅20线位，淡仓出唔到嘅同时，等到下半场已经见返Slow STC(14.3)触底上，所以呢注货根本都出唔到。 唔紧要，反正作战室呢两三日都系某定注中长线嘅货嚟出，但目前日线图+周线9月线都只系刚刚企喺啲关键位上，图就画定晒，都真系要等睇佢点行就拎边个预测图出嚟博再开仓。 至于即市嘅，今朝同个身在加拿大准备返港嘅中同Signal中，因为条友依家滞嚟咗喺Calgary，但都无阻我同战友们一齐出仓，今朝当然系先顺U盘出去杀咗26000至26099点嗰层过千张期指街货熊之后，再反手淡仓做返平时嘅Swing Trade啦，所以依家10点16分作战室淡仓有在手，向下逐级逐线咁数住啲位置，睇吓条恒指到边个位见停就落车。(依家10点20分，作战室连淡仓都清埋) 而小时图上就见到 $HSI(HSI)$ 今朝高位出咗「十字星」之后向下落到10线位，未踩到20线嘅，Slow STC(14.3)两线向下，同时保历加通道口有见收窄中；更重要嘅系，喺小时图上有见到指数同Slow STC(14.3)出现背驰。 用返平时睇图，即依家整条保历加通道向上兼通道口收窄，咁即系指数系仍然有条件出现Swing Trade，问题系中轴线接唔接得住，咁真系要等11点打后先知。 乃念中轴接住指数接咗咁耐，如果11点后