【轮证赢家】借五分钟图玩ST
星期三(4月30日)喺下半场拣咗只 $UB#HSI RC27124.C(67777)$ 出嚟，出文时都见到五分钟图嘅Slow STC(14.3)两线上到超买位，讲明可以等返Slow STC(14.3)两线向下回落返去超卖位时先至出动，当平时Swing Trade咁玩都已经可以。
呢注好仓过唔过夜就真系衡量下自己注货有几大，反正今朝开市升73点，报22192点，点都有多一格半格执。及到开市后 $HSI(HSI)$ 头嗰四支大棍，棍棍都有成百点，但开始接近10点时，恒指上到22300点楼上，作战室都开始向住好仓方向追上去。
小时图上见保历加通道口有见拓阔 ，而Slow STC(14.3)两线之中%K线已经上到超买位，同时比较紧要嘅系，指数今朝开市本身已经踩住熊证街货，但久违了嘅近又多货嘅街货层开始出现返，有货落肚追上去都叫做有方向。
依家10点10分，五分钟图上已经见到Slow STC(14.3)出紧超买再超买，不过保历加通道口拓阔紧就无所谓啦！
但反而我想喺呢度拣定只 $UB#HSI RP2710M.P(62750)$ ，收回价22836点，同现价有约420点距离，杠杆有约30.1倍，Day Trade计够用。
拣只反方向出嚟嘅原因就系有时见出完文之后个市都已经行返相反走势，而依家五分钟图上嘅Slow STC(14.3)顶住超买再超买，保历加底线有似横行，如果指数同Slow STC(14.3)出触顶向下嘅话，咁只(62750)就有得用啦，唔贪心博Slow STC(14.3)落返超卖位，至少向下落返10线比个Swing Trade嚟行都有用嘛！
至于只(67777)，如果指数系行Swing Trade的话，佢依家都仲有23.8倍杠杆，街货都唔多，都仲用得到架㖞！
作者阿珊，以技术分析专心玩轮证，唔贪心，努力赚取我家肥猫罐罐。
资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。
免责声明：上述内容仅代表发帖人个人观点，不构成本平台的任何投资建议。
