社区

㖊日只 $POP MART(09992)$ 再创新高，而只 $HSPOMRT@EC2510A.C(17365)$ 因为无收回机制，所以系可以Hold耐少少。

不过呢只嘢无Set止蚀位，皆因大家都睇上。

今日指数低开143点后，有见指数跌幅扩大至过200点，不过只Popmart仿佛平衡时空，依家9点44分，股价升到上281元，再创新高。而只(17365)喺依家9点464分时见到轮价为0.57元，对比㖊日嘅平昀买入价0.4175元有36.53%账面正数落袋。

记得呢个只系账面数，所以要继续Hold住只(17365)唔系唔得，因为人人注码唔同，所以都数一数自己嗰注依家咩环境先。个追揸沽策略喺㖊日嘅【轮证下半Part】都有讲到，不赘。

只系今日想补返一个走货条件，就系用日线图嘅阴阳烛形态。

如果你要用五分钟图平时嘅Slow STC(14.3)超买位嚟做好仓走货位，或者用平均线嚟量度可以嘅；但由于(17365)不是做Day Trade，而又因为股价现价同10天线距离太远，所以变相要睇阴阳烛形态。

若然见到一啲高位转向嘅阴阳烛形态出现，例如：十字星、射击之星、吊颈...类似嘅物体，甚至乎只系一条上影线出现，只(17365)都已经可以走货，皆因重新重新等股价落返去10线247.18元再上，咁你呢只货讲紧随时要玩一至两个星期，如果你有咁好耐性同顶得住睇佢由280蚊落返去247蚊唔肉赤嘅，Can Try。

2分钟后10点，日线图要过今日全日先至会定落嚟，不过我已经见到高位行咗十字星啦㖞。

作者阿珊，以技术分析专心玩轮证，唔贪心，努力赚取我家肥猫罐罐。