社区

喺作战室捉淡仓都捉咗几日，终于㖊日下半场先叫做捉得到，唉，捉转角真心唔系容易，即使你方向啱，但可能就系争嗰一日半日，分分钟被个市被爆；最惨嘅系夹爆完之后先见返同你原先计划嘅方向走，真系会好激气。

$HSI(HSI)$ 今朝开市跌返落去24000点以下位置，不过喺开市后有见五分钟图出咗平底，作战室好仓即追到依家9点44分，指数一度著返绿灯。5分钟之后战友们已经开始进行第一注收割。

其后指数再上，好仓喺作战室再追多一趟，顺便借埋小时图条50线一齐追。开始接近10点时，恒指高位亦有见过到24100点，不过喺五分钟图上呢个高位有出「射击之星」物体，保正数为上好仓全员闪人。

反手淡仓即出10点13分未到已经抹埋咀，唔敢讲佢哋训练有素，只可以话已经做到同呼吸一样咁自然。

依家10点14分见恒指做紧23936点，跌99点，牛证重货区入到但其实未杀晒，因为真心重货嗰堆牛嘅收回价系23906点，同时向下再扫喺23600至23699点呢度都有过千张期街货牛喺度，大方向继续指落嘅话，合情合理。

然而喺五分钟图上有见Slow STC(14.3)落到超卖再超卖，所以出 $UB#HSI RP2804M.P(61837)$ ，收回价24163点，同现价有约322点距离，杠杆约70.39倍真系只适宜做Day Trade，反手上返24000都应要做先。

出熊博嘅系小时图保历加通道口保持拓阔，即使连小时图嘅Slow STC(14.3)都见超卖，但23600至23699点嘅牛...安全嘅稍等五分钟图Slow STC(14.3)唔过中轴或触顶向下先至出场。

最后，继续进跟前日开始出嘅 $POP MART(09992)$ 好仓。呢两日篇文都keep住讲只Popmart Call点玩，短线嘅我谂都可能食咗糊，要Hold耐少少嘅你都应该Mark定晒位，咁呢只大家自己搞掂啦！

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。