社区

先跟进返㖊日只 $AIA(01299)$ $UB#AIA RP2712C.P(55476)$ 。喺㖊日下半场就计划返嚟Slow STC(14.3)两线触顶回落，然后走只(55476)。不过㖊日恒指全个下半场都上行，带连只友邦都被抽向上。喺五分钟图上见Slow STC(14.3)午后由超买位最多落返去中轴水平，还好呢个中轴位都叫做有几次到过，就算等到收市前10分钟，Slow STC(14.3)都系中轴水平，以平时呢度唔过夜计，(55476)先行离场。

按期内(55476)证价做过0.055元计，对比平均买入0.0454元只系叫做多半格或0.92%，扣埋手续费应该都系要倒输。

再睇返今朝个市， $HSI(HSI)$ 今朝开升4X点之后，到依家10点13分，其实喺五分钟图上见啲烛都系一阴一阳，真心唔多开胃，作战室先借五分钟图中轴出咗注好仓之后，喺10点钟见过高位24131点出「十字星」，反手淡仓出动，爬格仔先望24000点先。

今日个势都系似快格仔货，想hold耐少少嘅话，暂时喺小时图上面画到顶线，向下踩到50线位叫做少少穿过，再落都近嘅因为20线喺24002点啫，咁即系都系24000点呢个位。

而依家10点19分，恒指做紧24031点，跌29点，同24000点都唔系争好远，作战室就话爬格仔动作快啫，如果喺呢度用小时图坐嘅话...留意住Slow STC(14.3)走势，睇佢肯唔肯转返落去，有见埋而出淡仓嘅更系安全啦，无嘅，想博嘅，依家出 $UB#HSI RP2710X.P(58498)$ ，收回价24450点，同现价有约380点，杠杆约47.2倍够做Day Trade。

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。