【轮证赢家】恒指牛博补小时图裂口
上个星期五(7月25日)见条恒指仲唔嗲唔吊嗰时走咗去睇个股，捉咗只 $HKEX(00388)$ 出嚟，仲拣咗只 $UB#HKEX RC27106.C(59857)$ ，Mark住小时图10线如果有支持嘅话先至出。
少少精神分裂，明明喺作战室仲度紧玩紧淡仓但又捉只港交牛，还好佢向下破埋条中轴，对只牛心如止水，直接Happy Friday！还好作战室注淡仓系上半场都食饱咗，真.Happy Friday！
今朝返嚟睇个牛熊证街货图，见下方牛证有两层已经储到上过千张期指街货，对比之下上方熊证重货先得嗰840张期指，以 $HSI(HSI)$ 摆位大约企于牛熊证中间位计，纯以街货计数嘅话，向下杀落去杀牛一啲都唔出奇。
不过，技术分析却见到小时图Slow STC(14.3)触底。10点后指数高走返小时图10/20线之后Slow STC(14.3)两线触底上行更明显。保历加通道口虽然收窄，但都叫做将指数推返上保历加上升通道，
「咁咪即系街货 VS 技术分析?」的确系，虽然呢啲情况间中就会发生，而且八成都系街货赢，但望望明历，过两日就期结，仲要美股已经行紧业绩期，即系港股跟住就到，业绩好，港股有望再上。
拉返近少少，早霸王都做紧啦，数住指数上返上个星期五嘅下跌裂口位(25585至25624点)。依家10点17分见指数上到裂口底线位啦，Slow STC(14.3)两线喺小时图算叫做做刚刚触底上无耐。
$DS#HSI RC2711G.C(59831)$ ，收回价25130点，同现价有约500点距离，有约55.5倍杠杆够做Day Trade，目的系借小时图Slow STC(14.3)触底上，睇下补唔补到个裂口。
作战室已经开始将今朝9点40分出嘅好仓拆做风筝注，所以变相一系注码要留意，一系等一等五分钟图Slow STC(14.3)回一回先至出动。硬追嘅都要25600点企得稳先好。
作者阿珊，以技术分析专心玩轮证，唔贪心，努力赚取我家肥猫罐罐。
免责声明：上述内容仅代表发帖人个人观点，不构成本平台的任何投资建议。
