【轮证赢家】棚已拆
上个星期五(9月12日)无睇指数，反而拣咗只 $POP MART(09992)$ 出嚟，博佢日线图出「十字胎」确认再借埋Slow STC(14.3)触底上，所以同步拣埋只泡泡玛特嘅好仓。
出好仓等得嘅借埋个五分钟图Slow STC(14.3)落到超卖出动嘅话最好，至少有咩事都仲有得变阵博即日Swing一趟收工，所以喺上个星期五嘅2点10分见五分钟图Slow STC(14.3)两线落到超卖位，小注泡玛好仓试落场。
呢一注如果见股价喺后段都无反应而先走嘅，你叻；但系借日线图嚟博佢爬返上去嘅话，今朝见佢270蚊都无吓一半先，及至开市后向下再冲落去260蚊楼下，周线图直望20线，只好仓未啪死都算佢叻，只不过开市之后要人踩人咁走货，我系咪应该幸庆自己之前好天斩埋落雨柴，扣走呢条数今个月为止都仲有49%正数执紧？
作战室都有讨论popmart呢个位好唔好再追，但既然试博日线STC触底上都系失败，今日仲要向100天线方向向下冲，竟然系咁，拎埋20周线出嚟借线添呀！
嘿嘿，反过来说，事实证明我都会出错，我记得喺呢度我都试过打过三次靶添！输唔紧要，知道输乜就得啦，唔好白交学费；又有几多个人会长胜不输?!有嘅话，话我知。
再睇返 $HSI(HSI)$ ，今朝跌7x点开市之后，作战室今朝系等指数低开高走后出好仓，所以衣家10点14分，大家都系手执好仓，同时见26500点扑到已经出埋风筝策略。
而小时图上有见指数借到10线再次上行，系呀，今朝作战室好仓就系借咗呢条10线而出，只不过26500点都好似唔系好企得稳，所以作战室都系见好先收。
续借小时图10线再博上行而出好仓嘅话，都等一等五分钟图Slow STC(14.3)回返落超卖位先好，依家10点23分佢开始做返通道嘅触顶向下嘅Swing啦。
$CT#HSI RC28071.C(56507)$ ，收回价26000点，同现价有约488点距离，杠杆有约41.4倍为同一收回价中杠杆最高，成交亦见活跃。
安全嘅等五分钟图Slow STC(14.3)回返落超卖位至出动；进取嘅借指数于保历加上升通道向上运行嘅话，中轴有支持力就借佢啲力啦。
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
直接去Patreon搜寻「cbbcwar」领取七日免费试用即市作战教室
免责声明：上述内容仅代表发帖人个人观点，不构成本平台的任何投资建议。
