【轮证赢家】避打仗转睇美团
㖊日拣咗只恒指好仓出嚟，目前就系望住27000点呢个位，唔大胆博呢层熊证会被全数收回，因为咁系要指数上到27100点先做到；只系博指数上到27000点之后，攻防战又会开始，咁只恒指好仓就梗系收队，换包花生上场。
与此同时，留意到五分钟图嘅Slow STC(14.3)两线已经上到超买位，唔想同技术分析有太大矛盾之下唯有等Slow STC(14.3)稍回，指数至少都有条10线企住，借到线先至出手。
结果，以Patreon出文后再用10分钟时间去睇文嘅话，指数当时已经有扑向27000点方向。等技术指标放松返先出恒指好仓嘅话，一等等到下半场，不过，有位落场又有做到一趟Swing收正数就值得等嘅。
$HSI(HSI)$ 迫返上27000点附近，摆到明就系会打27000点攻防战啦；我本身热爱和平，呢啲情况我行去侧近买包花生先。
转场睇个股见到只 $MEITUAN-W(03690)$ ，一副人去茶凉嘅格局，小时图见㖊日中轴线唔过之后，今日再来裂口向下，推到保历加底线都有见拓阔，Slow STC(14.3)都唔系高但有似再向下行。10点14分时睇佢，目前当算有条150线接住佢。
换日线图亦见到有条中轴线接住佢，不过「红底」呢个位睇嚟有啲唔多稳。
$HS#MTUANRP2711F.P(62486)$ ，收回价108元，同现价有约7.4元距离，而108元呢个位目前比日线图嘅保历加顶线(105.25元)还要高，杠杆有约10.8倍做Day Trade都可以嘅，活跃同低街货都系佢卖点。
望望钟依家10点25分，暂时股价仍然企于小时图150线以上，确认低走150线先出只(62486)啦，咁比较安全啲。
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
12/11作战室实况 - 想学番一招半式旁身?!作战室日日Day Trade教你技术分析!直接去Patreon搜寻「cbbcwar」领取七日免费试用即市作战教室
免责声明：上述内容仅代表发帖人个人观点，不构成本平台的任何投资建议。
