社区

嚟到2025年最后一个交易日，相信大家今年嘅成绩都尘埃落定，最好当然系今年胜旧年啦；未如理想嘅唔怕，星期五又系新开始，至时再努力过！

临近年底 $HSI(HSI)$ 都方向欠奉。㖊日喺呢度无拣货，喺作战室则以出好仓，但都只系爬下格仔，叫做志在参与。

记得今日半日市㖞，所以有咩都拿拿声处理佢啦。奇怪明明望住个钟已经0920但都未出个U盘，等到0922先至比出嚟...是但啦，见指数低开53点，报25801点，小时图见指数摆位低于中轴线，即摆返落去保历加下降通道，同步Slow STC(14.3)两线亦于中轴位见势头向下，出淡仓快嘅借五分钟保历加通道口拓阔嚟追埋Slow STC(14.3)两线到超卖；Hold耐少少嘅就追指数落返去小时图保历加底线。

望望钟，仲有9分钟就10点，作战室注淡仓都已经收网，所以再喺呢度出淡仓嘅话，即使可以等下一轮五分钟图嘅触顶Swing Trade出现，但我有少少担心时间唔容许。

$UB#HSI RC2811S.C(60539)$ ，收回价25108点，同现价有约650点距离，杠杆有约33.9倍。企到咁远系因为有谂过可以留一注份量系打靶都唔肉赤嘅，试下过除夕&元旦呢两日假期后，星期五(1月2日)返嚟2026年首个交易日，有无本事开个红盘出嚟。

系呀，每逢新年都有「开红盘」呢个玩意；但留意农历新年嘅「开红盘」攞意头系比1月1日呢个新年嘅「开红盘」意头嚟更得「重要」，所以依家迎接嘅呢一个新年「开红盘」嘅「传统」系比农历新年嗰一个系低啲嘅。

唔需要依家睇完就决定掟出去嘅，首要条件都要见到个五分钟图嘅Slow STC(14.3)碓认触底先啦，过唔到年都可以博Day Trade嘛；真系谂住博过年嘅，临完场前10分钟如果确认得到五分钟图嘅Slow STC(14.3)触底上嘅先至出动啦。记得注码唔好大呀！打靶都唔肉赤注好啦！

预祝各位新年进步！

作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。

直接去Patreon搜寻「cbbcwar」领取七日免费试用即市作战教室

资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2025。 版权所有。