【轮证赢家】恒指处小时图20/100线 宜两手准备
先睇返前日拣嗰只 $UB#HSI RC2812D.C(58794)$ 先，出仓Plan系用返番平时五分钟图做Swing Trade嘅方法去做，但由于前日下半场未见Slow STC(14.3)上番超买，带过夜至㖊日上半场终于都见到，所以过夜(58794)走得。
至于㖊日只 $HS#HSI RC2809X.C(58158)$ 个出仓Plan就系借小时图10线企住而出嘅。按㖊日Patreon出文嘅时间on top加10分钟去睇文，跟住再睇番个小时图，见指数都仲系企喺10线之上，(58158)亦符合出场条件。
持货至完场前都仲见到 $HSI(HSI)$ 企于小时图10线之上，咁同(58794)一样试吓过晚夜啦。今朝返嚟恒指开跌55点，报27210点，GG啦，指数摆位低于小时图10线啦，企唔返上去嘅话都真系要揾定Exit位。
作战室今朝第一注都系以淡仓出动，过线嘛，不过都系偷格仔注啫，极速嘅先偷五分钟图Slow STC(14.3)落返去超卖先，行得定嘅先至再换上用小时图借10线向下打落去，估唔到嘅系，开市唔够10分钟，指数已经落到小时图10线；10点未到作战室第一注淡仓都已经够今日下午茶条数。
依家9点52分，作战室淡仓第一注清嘅清，风筝嘅风筝，都有望住小时图100线/27000点呢个位，嫌Mark定如果指数喺10点后摆位低于20线嘅话，都要预一预指数可能喺20/100线之间运行。
既然预做Swing，就比定两只货出嚟啦，先比 $DS#HSI RC28097.C(59120)$ ，收回价26885点，同现价有约218点，所以杠杆有成77.5倍，低街货；至于恒指熊用 $DS#HSI RP2804H.P(63217)$ ，收回价27500点，同现价有约390点，杠杆有约56.5倍，都系属于高杠杆、低街货。
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
11/2作战室实况 - 想学番一招半式旁身?!作战室日日Day Trade教你技术分析!直接去Patreon搜寻「cbbcwar」领取七日免费试用即市作战教室
免责声明：上述内容仅代表发帖人个人观点，不构成本平台的任何投资建议。
