社区

今日年廿九，小妹同大家拜个早年！㊗️马年进步！三财入库！股运亨通！事事顺利！最紧要身体健康！

上个星期无拣到货，因为见指数大裂口出嚟之后有似一步到位咁，而作战室初期都系执下格仔，去到下半场好仓坐住闷声做一注收工。

今日系半日市㖞，12点完场之后就要到周五(初四)先至开市；而A股就今日已经开始放到再下个星期二(2月24日)先至开开市；换言之，由今日至下个星期一(23日)止都系无北水。

指数今朝低开后再低走，唔需要期望喺蛇年最后一个交易日指数要做番靓靓，因为今日做嘅系喺临完场前10分钟掟只极小注好仓过年，博年初四返嚟开红盘。

我细个学嘅「开红盘」意思系第一口开市价系升之余，全日都要系升嘅；但后来唔知点解「开红盘」变咗只系要开市口价系升嘅就可以啦，而如果全日都升嘅话，就变成「红盘高收」。Anyway，就系一小注好仓傅佢「开红盘」啦！

坦白讲呢啲都真系意头嘢嚟架啫，一下就够，而依家9点41分见指数开市之后有喺26500争扎过一阵，但最后都系未浮得返上去。

都啱呀，就算平时做Swing Trade，都唔会等到 $HSI(HSI)$ 同指标升到High High时先出架嘛，又拖到临收市前10分钟先出，系茧一如果阿市呢日半又冧500点嘅话，咁拣得太贴价就唔啱用啦。

再加上，好歹都叫做过三日夜，拣远啲都不为过。 $UB#HSI RC2811K.C(67483)$ ，收回价25950点，同现价有约490点距离，杠杆约38.41倍都已经够。

其实都唔驶冧500咁多，依家9点50分，指数跌幅略为扩大至跌182点，报26384点，只要再跌多184点嘅话就到26200点，咁嗰层逾2000张期指街货嘅牛都过唔到年啦。

作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。

直接去Patreon搜寻「cbbcwar」领取七日免费试用即市作战教室

资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。