【轮证赢家】26000点又打攻防战?!
㖊日拣咗只 $UB#HSI RP2809E.P(60828)$ 出嚟，Set住两个位可以入货嘅，一系进取mode见五分钟图10/20线出阻力将 $HSI(HSI)$ 向下推落去；二系安全mode稍等Slow STC(14.3)上返超买位见触顶下行做一趟Swing Trtade。
以㖊日Patreon出文后见指数向上升穿过五分钟图10线，咁就唯有变阵用安全策略，不过呢一趟几乎同白做都无乜分别，持货到下半场指数比上半场行得更慢，最多都只系为番手续费，叫做今日有做过嘢咁解。
唔紧要啦，出注日日都咁顺利嘅话就真系无人会返工架啦。今朝先指数开升139点，报25891点，再睇返个街货图见指数踩返上第一层熊证街货25800至25899点呢层(严格嚟讲呢层一开市即全数被收回，因为呢层只得一只熊证)，而目光一早放咗喺26100至26199点嘅重熊区，所以作战室今朝早都Plan定出好仓，开市15分钟后再转出风筝策略，因为指数已经爬升至26000点楼上，沽半留半目的系先保返住今朝出好仓嘅本+少少嘅利润，再留部份相对低成本嘅注嚟睇吓今日会唔会雄心壮志地上去打重熊证。
至于喺呢度，即使再拣只好仓出嚟嘅话，都唔会系硬追嗰只，因为依家(9点56分)五分钟图上见指数于26067点有出顶线，而10线终于都向上追紧指数，保历加通道口目前仍然拓阔，所以比到条件Slow STC(14.3)两线出超买再超买。
估计到出文后再睇完嘅话，指数应该都会同五分钟图嘅10线相遇，到时再留意埋保历加通道口嘅走势，特别系条底线，因为佢嘅摆位系会影响到Slow STC(14.3)同指数出唔出触顶 aka Swing Trade嘅可能。
同之前玩开嘅Swing Trade一样做法啦，出文后如见五分钟图10/20线守得住嘅，就当进取mode出好仓；如果已经守唔住嘅，咁用返Slow STC(14.3)超卖触底上行出好仓。
$DS#HSI RC2811J.C(55165)$ ，收回价25294点，同现价有约750点距离，约31倍杠杆都够做Day Trade，今日新鲜热辣上市所以0%街货，(Touch wood)万一26000点真系企唔稳又再向下碌嘅话，都唔怕出现人踩人情况。
依家10点11分，最近见到五分钟图嘅指数同10线相遇啦，系进取mode定如常用STC做Swing，好快就知啦！
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
直接去Patreon搜寻「cbbcwar」领取七日免费试用即市作战教室
免责声明：上述内容仅代表发帖人个人观点，不构成本平台的任何投资建议。
