社区

上个星期四拣咗只 $UB#HSI RC2708B.C(67415)$ 出嚟，但讲明不是Day Trade用，系等 $HSI(HSI)$ 落到日线图嘅「下降通道」底线/日线图保历加底线先支持先至出动。博嘅系指数仍于日线图嘅「下降通道」中出到Swing Trade触底上嘅运行。但可惜㖊日指数往重货牛方向走，虽然都有预咗，所以先至会喺作战室出淡仓等食，但就仲未捉得到触底上嘅条件，怕且个势都系未捉得底住。

放咗三日假...坦白讲除咗有一晚同两个旧老细&两个旧同事食咗餐饭，散席后同其中一个旧老细一齐搭咗一段路嘅车，期间佢比咗个建议我，佢话其实佢身边有好多人，唔好话投资，连理财都未试过，不如你吓袖呢方面入手。当然之前我已经有类似嘅方向出咗嚟啦，如果唔系都唔会写咗本新嘅《小资理财圣经》；但连未试过都未去到嘅...会唔会连本《小资理财圣经》对佢哋嚟讲都深得滞呢?!不如我喺度做个实验，如果你有兴趣请你去〈轮证赢家〉嘅FB inbox我，以我个inbox头20位msg我留言「我未试过理财」呢六只大字嘅，我私人送一本《风暴中的小资理财圣经》电子书比你，睇完之后，有来有往，你话返比我知你明几多成，或者你觉得仲有咩系唔明嘅/你期望但无嘅，就得㗎啦！(感谢)

其实依家已经10点17分，作战室淡仓已经掟咗出去同收埋正数，开始有见指数爬上五分钟图嘅10线，好仓亦已经小注出动，捉五分钟图出嘅Swing Trade，但都系搞唔掂，连20线都掂唔到，都系keep返住弹高熊嘅心态好啲。

$UB-HSI @EP2608B.P(26469)$ ，行使价23383点，同现价大约有0.64%价外距离，绝对系轻微价外，留意到期日为今年8月28日，所以杠杆有约13.02倍，但低街货亦都系佢优点。

拣Put唔拣熊系因为最近嘅熊都有成900几点距离，得2x倍，证价同轻微价外嘅轮证都相差无几。但如果指数一直向下，同步啲好友keep住博反弹而一直储住重货牛喺度嘅话，咁大量补给之下指数keep住往下打，大户keep住日日收几千张期指街货返嚟，容乜易做做吓淡足一个星期㗎?!又或呢一两日指数再落，点数最终低于行使价23383点嘅话，咁只(24649)由价外变价内，发挥到佢最后嘅爆发力(时间值+内含价值)，其实一样都可以好禾味。

不过，唔系依家开，依家10点40分指数行紧Swing Trade嘅触底上行，如果用日线图去Trade嘅话，最低限度都等指数上到小时图10线见阻力时先出；如果用嚟做五分钟图嘅Swing Trade都得嘅，如常的见五分钟图Slow STC(14.3)于超买位出触顶向下咪得啰。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。

资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。