社区

㖊日拣咗只 $UB-HSI @EP2608B.P(26469)$ 出嚟，拣Put唔拣熊系因为最近嘅熊都有成900几点距离，得2x倍，证价同轻微价外嘅轮证都相差无几。

即使喺日线图上见 $HSI(HSI)$ 一浪低于一浪嘅走势，终于都要触底上，但(24649)因为系轻微价外，所以即使用五分钟图Slow STC(14.3)触顶向下走一趟，分分钟都以捉得到由价外变价内，发挥到佢最后嘅爆发力(时间值+内含价值)。

还记得上星期有拣过好仓出嚟，谂住日线图上见指数都差唔多落到「下降通道」底线，即使整个向下运行嘅走势未变，但以一浪低于一浪形态计算，都总算叫做有得触到底线博上行Swing Trade做到。

不过捉转角都真系好难，㖊日指数向下再落，低位十字星出埋嚟之后，今日终于都见到指数系开盏绿灯出嚟，开市口价仲见上返去23800点添；再望望五分钟图同小时图嘅Slow STC(14.3)，以为今日可以顺返呢两个讯号出好仓，但点知指数今朝首半个钟系度玩灯掣，激死！

仲有3分钟就10点，五分钟图上见指数虽然玩灯掣，但暂时见都系处于中轴线以下水平，保历加保持横行又Slow STC(14.3)两线上到中轴位未见方向，唯有等小时图，睇吓条10线仲守唔守得住。

终于等到10点，见指数确认低走于小时图10线， $CI#HSI RP2902Q.P(61097)$ ，收回价24313点，同现价有约560点距离，杠杆有约37.7倍，为市场上最贴价熊之中最高杠杆，今日新上市所以未有街货。

睇返今日牛熊证街货图，第一层牛见23400至23499点，唔好谂咁远住，先用啲齐点数位即23600点、23500点做一做个分隔先，都有见到嘅话，先再拎埋㖊日小时图嘅平底线23488点做下方目标，有得穿埋嘅先再拎个牛熊证街货图出嚟，睇住啲街货打啦。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。