社区

㖊日拣咗只 $CI#HSI RP2902Q.P(61097)$ 出嚟，喺文末逐个目标set晒出嚟，第一站先用啲齐点数位即23600点、23500点做一做个分隔先，都有见到嘅话，先再拎埋㖊日小时图嘅平底线23488点做下方目标，有得穿埋嘅先再拎个牛熊证街货图出嚟，睇住啲街货打。

喺日线图上Keep住画条「下降通道」出嚟，几次下影线落到之后都有见 $HSI(HSI)$ 抽返上去，形态就系「一浪低于一浪」啰。而星期一(22日)低位「十字星」本以为会弹，去到㖊日港股受外围拖累再跌兼再创年内新低，及至今日今朝出完盏绿灯之后，23500点企唔稳又要出返淡仓。

依家10点15分，喺小时图上已经画咗个区间位出嚟，喺作战室里面就系用紧呢个区间位嚟做Swing Trade。

以日线图计，目前的确是有一个不错捉触底嘅条件，但以港股目前弱过弱鸡计，触底讯号都系唔系好够；都系做返Day Trade，且战且走安全啲。

再嚟到依家10点21分，指数都开始补今朝开市裂口，不过Slow STC(14.3)都已经落到超卖位门口，除非喺之后嘅时间指数向下跌穿小时图个区间底线，咁先至要出只 $CI#HSI RP2901J.P(62843)$ ，收回价23901点，为市场上最贴价熊，同现价有逾550点距离，杠杆有约38.9倍亦为全场最高。

同时都拣定只 $UB#HSI RC2712R.C(60156)$ ，收回价22900点，同现价有约440点距离，企远啲安全啲，杠杆有约40.3倍，为相约收回价中最高。呢只如果你睇完文之后，再睇返个五分钟图见有触底上嘅，咁就小注出动博日内出触底反弹啦。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。