社区

㖊日拣咗牛熊各一只出嚟，写文嗰时已经讲明当时五分钟图Slow STC(14.3)两线都落到超卖位，所以系睇住五分钟图嘅Slow STC(14.3)有见触底上嘅话，就比只拣好咗嘅 $UB#HSI RC2712R.C(60156)$ ，以小注出动博日内出触底反弹，目标系小时图画好嘅区间位(约23300点至23488点)嘅顶线。

呢一注都做到嘅，平均仲有两成几嘅正数；但系用喺日线图嚟出好仓嘅话，都真系未得住。虽然呢两三日喺日线图上已经见到 $HSI(HSI)$ 处于「下降通道」底线，唯Slow STC(14.3)迟迟未确认触底(%K线数值都未高过%D线)

「咁要跌到几时先至可以捞底呀?」须知道有个循环嘅玩法，而要停止呢个玩法，按惯过去嘅情况，基本上得两个解决方法：1. 市场上有重大嘅利好消息出现，重大到系可以将全个市场嘅风向180度扭转；2. 牛熊嘅街货层距离收窄嘅同时街货数量亦接近一半一半。呢个循环喺作战室早两日都有提过，所以作战室呢两日都系keep住出淡仓等佢瀡到Day Trade位有见触底啦，就收手(纯綷我自己唔钟意过夜啫，唔代表佢哋唔可以嘅)

今朝指数低开23点之后旋即向下，作战室再开出即市淡仓追落，到依家10点10分，恒指已经落到重货牛证23000至23099点呢一层，清埋佢都真系唔难，但同时都要预一预于23000点可能求其打两吓攻防战，话晒都系一个整点数位。

话港股系废墟都真系无错，见眼日韩两市都无乜嘢，仲好刺激添。之前韩股大热，一窝蜂涌晒去海力士同三星啲ETF度，无计，喺港股世界玩得到韩股嘅实在有限，又解释到点解呢堆ETF成交推到咁大。

近呢一两日，日Yen又跌到妈都唔认得， $Nikkei 225 Index(N225.JP)$ 变相大割引，仲唔涌埋嚟等咩呀?

依家10栗18分，日经升返2500几点，喺日线图上见呢条靓靓嘅「上升通道」喺港股身上系可遇不可求。依家距离高位72831唔远，又有条10天线接住，系要小心Slow STC(14.3)目前见两线向下啫。

所以，借好10线，最多最多借到20线(因为range太远，最好自己喺两线中间再mark多个位嚟做分间)，跟住 $UB-N225@EC2612B.C(11173)$ ，行使价90000点，杠杆有约8.96倍，今年12月11日到期，属低引伸、轮证价，换股比率低于1000，敏感度偏高。

重申多一次，日经依家波幅唔细，锁定止蚀位嘅同时，亦宜通过注码嚟控制风险。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。

资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。