【轮证赢家】恒指熊入226先安「落」
㖊日拣咗 $UB-N225@EC2612B.C(11173)$ 出嚟，借日经日线图条10线守住嚟博指数再创新高。文末亦重申，日经波幅唔细，锁定止蚀位嘅同时，亦宜通过注码嚟控制风险。
与此同时，喺拣轮方面都要考虑埋引伸嘅部份，既然知道波幅系比较大嘅话，咁喺拣轮嘅时侯就更加应该要留意引伸波幅部份，尽量拣只低引伸嘅轮，否则「缩Vol」无仇报。
睇返㖊日日经最高见过72645点，同mark住嘅高位72831点都只系争186点，所以如果呢一注见指数都爬到上接近返高位水平，又担心(11173)Underlying买到日经咁远，见正数先收都真系无问题，特别是如果你系第一次参与外国指数轮嚟讲，应该会有一种莫名奇妙，甚至系偷食嗰种兴奋，以㖊日(11173)唔过夜、完场前10分钟走人的话，平均都有6格/8.05正数入账。
㖊晚睇新闻都仲见到美股反抽紧600点上去，心谂：唔通今日 $HSI(HSI)$ 会「暴力反弹」到500点?!今朝起见再睇新闻见三条美指都回晒有凸，今日港股向下再往重牛方向走。正如㖊日喺文章同早两三日喺作战室里面讲过，指数下行方向嗰loop都好似仲未完咁，而23000点都无嘅时侯，应该幸庆香港仲有put有熊有得造淡。
仲有6分钟就10点，指数向下挫到暂时最低位22756点之后有见反抽，五分钟图同小时图嘅Slow STC(14.3)都有见到触底上行，的确系咁嘅市里面出好仓嘅难度比帮我家肥猫剪指甲同刷牙更难。
$CI#HSI RP2901N.P(64791)$ ，收回价23337点，同现价有约500点距离，杠杆有约38.7倍，为市场上最贴价熊及最高杠杆熊之中，成交最活跃。
依家10点11分，睇嚟都要向下再入226先安「落」。
作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。
免责声明：上述内容仅代表发帖人个人观点，不构成本平台的任何投资建议。
