社区

㖊日拣咗只 $UB#HSI RC2807Q.C(69451)$ 出嚟，大方向先用小时图嘅10/20线作为下方量度线；再借五分钟图Slow STC(14.3)做Swing Trade。

呢一注做到嘅，仲要喺最近两个小时里面见到五分钟图嘅Slow STC(14.3)两次上到超买位，(69451)边一个位走都得，所以喺【月度报告】会将两个走货位都计晒出嚟，再拉个平均数嚟入账。

踏入8月，港股都开始进入业绩期，一阵中午12点有 $HSBC HOLDINGS(00005)$ 公布业绩，市场普遍都系睇返佢啲利息收入同减息周期能唔能够对抗得到之余，就系派息政策有无变到，始终呢只嘢都系收息族嘅首选。

依家10点11分， $HSI(HSI)$ 今日虽然高开，但作战室喺Plan定出好仓追嘅同时，比多一项条件系留意住指数有无出高开低走，确认无嘅话先至出好仓追，多得佢喺今朝开市后首五分钟已经见到高开低走，仲喺五分钟图出埋上影线，所以集体变阵反手以淡仓作为第一注。但嚟到10点后指数开始喺259附近徘徊，方向未明之下，唯有睇住只象先。

小时图上见股价呢两三日上到168.x元之后见止步，画到条顶线都真系几硬，今日暂时高位见到168.8元，又喺呢啲位又见停。至于下方10线支持力都唔弱，变相依家股价困咗喺10线同顶线之间...少少似出「平顶三角形」啦。

而换保历加通道见的话，整条系保持向上，咁即系佢都系比咗个条件出嚟可以行Swing Trade，先睇股价用保历加顶同10线夹住嚟行先。

日线图上见到只汇控都真系系咁推个新高出，睇住下方10天线位164元我都有啲惊。咬紧啲用返小时图20线做下方量度线算啦。

$UB#HSBC RC2806I.C(62382)$ ，收回价150元，企远啲安全啲，杠杆都有约9.05倍，系要小心啲街货啫。

前题一定要股价企得住喺小时图10线先好；绩后出当然稳阵啦；而呢只牛用嚟做返五分钟图Slow STC(14.3)啲Swing Trade嘅话，佢杠杆都够做嘅。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。