【轮证赢家】小时图STC第三日见超买再超买
㖊日拣咗只 $JP#HSI RP29066.P(56844)$ 出嚟，但mark住 $HSI(HSI)$ 要向下低走五分钟图中轴/小时图100线，先至出只(56844)；惜出文后正正指数借咗呢个位嚟抽底上，(56844)无咗出场资格。
睇返小时图见条Slow STC(14.3)已经两线出超买再超买都出咗两日，计埋今日嘅话就已经系三日出超买再超买。㖊日就Lock住25800点呢个位，今日(依家10点26分)就似乎Lock住咗喺25900点呢度。
「咁用小时图做Swing嚟出淡仓，博Slow STC(14.3)出触顶向下咪得啰。」你估我唔想但个市唔系咁行呀嘛，㖊日指数喺上半场都叫做出咗个「圆底」嘅物体嚟借得到个五分钟图做Swing Trade，今日开波无耐好仓追上25900点见企唔稳，喺作战室偷完50点之后已经画得到个「平顶三角形」出嚟，再变到依家扭成「长方形」；更尴尬嘅系嚟到依家10点34分，五分钟图整条保历加通道向上，系可以Mark住指数于保历加顶线同10线之间运行，但系，如果咁行嘅话就代表25900点必须要企得到上去；顺返「长方形」走就等同要穿返条10线向下。
呢啲位落注，一系极小注当买铺大细，一系安全啲等到11点打后小时图可以再比到多少少讯号先至出仓。
$SG#HSI RP2904N.P(53615)$ ，收回价26268点，同现价有约385点距离，杠杆有约55.1倍，纯綷拣返平时作战室会用到嘅距离嘅熊证啫。
我谂依家(10点45分)出得文再睇完之后，小时图都应该可以firm到呢只熊出唔出到㗎啦！
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Books Store上架，可免费试阅。
免责声明：上述内容仅代表发帖人个人观点，不构成本平台的任何投资建议。
