社区

上星期五无到货出嚟，因为出文时都睇住指数过唔过到小时图中轴，还好11点后有见上得到，见上过线而好仓自己都有出到嘅话，唔过Lunch计都有一个钟玩。

其实喺作战室除咗Day Trade之外，都有一班战友同步用个周线图，甚至系月线图嚟做一啲比较中长线嘅部署，事关大家都唔系日日可以坐喺电脑前面做Day Trade，忙起上嚟都真系有个几星期唔见人，或者朝早打个招呼之后又去做返嘢都唔出奇。到时间再多返少少嘅时侯先至再埋返位一齐做Day Trade，但咁样都系无阻条中长线飞㗎嘛。

其实成个8月大家都望住周线图上嘅「扩散三角形」顶线倒底会唔会穿得到，等咗一个月见 $HSI(HSI)$ 贴住顶线运行，终于今个星期开始见到有触顶下行嘅情况；但如果Slow STC(14.3)两线能够配合一下就更加好啦！

至于今日Day Trade方面都系拣咗出淡仓行先，虽然去到10点后都有见五分钟图嘅保历加通通道整条已经向下运行，同时Slow STC(14.3)已经出紧触底向上，不过喺呢度如常用返小时图去睇嘅话，论技术走势同指数摆位，都仲系出淡仓比较著数，只不过系要借返五分钟图嘅走势嚟出仓啫。

$UB#HSI RP2901C.P(64182)$ ，收回价25700点，同现价有约360点距离，杠杆有约52.8倍，用嚟做Day Trade嘅。进取嘅见五分钟图10线都穿唔到嘅话，就先至掟货出去借小时图Slow STC(14.3)博落到超卖位；安全嘅用返平时五分钟图Swing Trade，即Slow STC(14.3)见触顶向下先至出动。

如果系谂住用个周线图嚟出注飞做中线嘅话，呢只唔啱用㗎，拣返远少少收回如 $UB#HSI RP2901B.P(57633)$ ，收回价26100点，同现价有逾700点距离，杠杆约30.9倍。

唔同策略系需要配唔同条款嘅轮证先至得㗎。

作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Books Store上架，可免费试阅。

资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。