社区

㖊日拣咗只 $JP#HSI RP29064.P(60287)$ 出嚟，因为出文嘅时侯都见五分钟图比返个Swing Teade下行嘅走势出嚟。持货至下半场有见Slow STC(14.3)落到超卖位，唉~ 其实五分钟图上睇返 $HSI(HSI)$ 亦终于都肯向下穿过中轴线，保历加通道亦都已经收窄咗，所以都系趁机走只(60287)算数。

虽然㖊日注货平均少输两格，但都总好过之后被困住喺窄位里面唔上唔落先啦。但呢注货系无话过夜嘅，而如果自己揸住有过夜嘅话，今朝开市后见指数即低走应该正数收工。

作战室今朝都快速走咁一转淡仓，再喺9点41分画到五分钟图出底线之后，说实话下一句都未打完已经有战友做晒反手，因为喺作战室玩得耐嘅除咗已经熟习咗个个市点行之外，仲已经慢慢建立好属于佢哋自己一套嘅交易方法，咁就啱啦，作战室开出嚟嘅目的就系要咁啫，唔系要边个跟边个，系要你自己帮自己Set up一套完全属于你嘅交易系统，我同其他战室只系负责喺侧边做吓啦啦队㗎咋！

依家10点5分，小时图上有见指数虽然出咗下影线抽返上去，不过始终都过爬唔返上小时图嘅10/20线位；又期结日都无人话过一定要系升嘅，根本个底都同以前唔同晒，所以真系好难用以前嘅玩法。

㖊日下晏又系强少嘅Youtube Channel「CK Chan 不止是投资」度睇咗只 $CHINA MOBILE(00941)$ ，都有讲明唔系100% Buy晒佢依家日线图嘅走势，虽然股价仍然高走于10/20线之上，但因为长方形格局喺度，再加上保历加通道口劲窄，一系出啲高少少杠杆嘅产品嚟做Day Trade，一系博保历加通道口拓阔/整条保历加通道向，咁安全起见收回价就应该要摆低多少少。

近嘅唔拣啦，免得呢头拣完文都未出就已经转方向，咁就当跟进番㖊日喺 YT Live度拣嘅 $UB#C MOBRC2809D.C(59908)$ ，收回价74.6元，杠杆有约14.7倍，低街货而且今日都有啲成交啦。

记住无论咩方向、咩策略、边只轮证都好，买货之前第一件事系要帮自己Set好止蚀位，买货之后嘅第一件事就系要严守策略。

作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。

想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。