社区

上个星期五纯以技术分析去睇 $BABA-W(09988)$ 上返去小时图嘅中轴楼上，所以拣咗只 $UB#ALIBARC2608R.C(55096)$ 出嚟，谂住到一到小时图保历加顶就走，但等咗成日都未见，以呢度少过夜计，上个星期五完场前10分钟清货走人算数。 今朝 $HSI(HSI)$ 先略为低开，作战室都有Plan定出好仓博佢低开高走，谁不知都真系被佢Fake咗嘢：开市后即高走两次但两次都系见上影线，反手则撞正低位十字星；一开市就黑仔达上身，所以到10点22分都系Paper Trade mode 算啦。 Day Trade计今朝出仓系难嘅，事关五分钟图上见啲烛一阴一阳，仲要支支都系大嘢，喺作战室plan得嚟到出嗰时已经出咗谂住佢个行嘅方向，咁仲点出货呢? 嚟到10点半开始见指数有似借五分钟图嘅10线同保历加顶线夹住慢慢上，都好嘅，至少有个方法先，战室室重新再执点数中，目标系11点后有见指数上过过小时图嘅10/50线，成功嘅话咁Slow STC(14.3)触底确认。 $UB#HSI RC2809T.C(55143)$ ，收回价25150点，同现价有约406点距离，杠杆有约54.4倍。 五分钟图啲平约线接得住嘅，进取mode出(55143)可以；安全嘅用返平时SLow STC(14.3)触底上行嗰只Swing Trade亦可。 作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。 13/3作战室实况 - 日日实

㖊日拣咗只 $UB#CNOOCRC2810F.C(69155)$ 嚟，如果玩快走一趟嘅话，如同平时Swing Trade好仓嘅做法一样，10/20线借到再上而出嘅当系进取注；Slow STC(14.3)为之安全注出动。 但如果打算借日线图10线兼伴随油价上扬而继续高走，即使EIA话放4亿桶油出嚟顶住个需求，但今日见中海油股价再上，呢个游戏都真系有排玩。 今朝起身见隔晚美股又冧700几点，人家个底厚点跌都唔怕，但港股跌700点都真系叫股灾。 依家10点18分，作战室先淡后好两注货都已经出咗兼收起正数。而依家喺小时图上见指数去到小时图10线后未见再上破，而下方侧有保历加底线接住指数，变相依家系被两条线夹住行；睇埋Slow STC(14.3)见触底上行后都无乜上行势头，怪不得指数就咁就Hea咗喺度啦。 指数未有嘢睇，又走去八挂下啲个股。见 $BABA-W(09988)$ 逆市造好，小时图Slow STC(14.3)触底上行明显又上破咗10/20/50线三线位，一个「圆底」样走咗出嚟。 不过保历加通道口收窄中，极速嘅好仓上望保历加顶线可以嘅；如果保历加口有见拓阔嘅话，嘿，咁借埋Slow STC(14.3)睇到超买都有机。 $UB#ALIBARC2608R.C(55096)$ ，收回价123元，杠杆有约10倍，距离安全都好重要，尤其是依家啲咁敏感嘅环境；记得借好小时图10线做下方量度线呀！ 作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。 12/3作战室实况 - 日日实战操盘!学习技术分析及轮证策

㖊日无拣到货出嚟，皆因出文时见 $HSI(HSI)$ 未有方向，又似以五分钟图做Swing Trade多嘅，小时图条10线又远，所以喺呢度都系选择休息一日算啦。 今朝指数低开179点，报25719点，再睇多次小时图有见指数落到去20/50线，作战室今日第一注以好仓推出去，博指数低开高走，见著返盏绿灯之后都数住格仔走人。 估唔到开市首半个钟指数先跌后升再转返跌，仲要跌返落去开市个，半个钟内出圆顶仲要支支烛都鬼死咁大支，真系追慢啲都死。 10点后有见指数仍然处于小时图嘅10线同20/50线之间，今日作战室追指数出好淡仓都有啲辛苦，因为啲烛真系出晒大阴同大阳，想坐定多一阵都难。 最近都开始有更多油价嘅新闻系「烧到埋身」：更多嘅油站排长龙、油加价、飞机加燃油附加费；更贴心嘅系有议员话政府帮封忙做啲补贴，油价飞，又系 $CNOOC(00883)$ 出动嘅时侯。 早排话战争即将结束嘅，油价都有一两日向下回一回，坐返住10天线位置，但真系会咁快完咩？就算战争结束，就代表第二日可以埋位去揼油出嚟追返个需求啦咩？ 日线图上见股价比较大部份时间都系借10天线上行，有见佢稍为穿过10线向下到20线位置嘅，咁 $UB#CNOOCRC2810F.C(69155)$ ，收回价25元就低于20天线(约26.174元)水平就啱用啦，杠杆有约7.7倍，街货唔过10%亦活跃。Set以10天线作为下方量度线可以；或者袋住喺袋度等到位时先出都得。 如果玩快走一趟嘅话，依家10点35分见股价踩住五分钟图10线再上啦，如同平时Swing Trade好仓嘅做法一样

㖊日拣咗只 $UB#HSI RP2812K.P(53139)$ 出嚟，出仓条件系指数要低于小时图50线，或安全嘅见五分钟图指数向下过10线先至出动，亦都只当做一趟Swing Trade，所以Slow STC(14.3)两线到返超卖位做Day Trade目标啫，呢一趟持货不足一小时平均都执到12.69%。 估唔到指数㖊日都有惊喜，收市完U后以全日高位收市之余，仲要重上10天线以上，呢个位系作战室出好仓时set嘅第二站目标。 今朝指数再升152点开市，26000点亨松爬上之余，开市口价仲已经将第一层重货熊全数收回，呢层有逾1100张期指街货。 不过，见五分钟图同小时图嘅Slow STC(14.3)都已经摆喺超买位，再顺U盘追好仓嘅话似乎有难度，所以今日作战室第一注系以淡仓出动。 依家9点53分，指数暂时有见高开低走穿返26000点，战友们嘅淡仓爬格仔注都准备先收网；同时亦留意住小时图嘅Slow STC(14.3)触顶向下确唔确认得到。 10点后有见小时图嘅Slow STC(14.3)触顶向下，不过26000点呢个位都似乎恳咬多阵咁。 如果要顺小时图嘅Slow STC(14.3)触顶向下而出淡仓嘅话，变相要违反指数靠近熊证街货而杀熊嘅... 再等到10点11分都系见指数hea住喺五分钟图嘅10线位...少少两难嘅情况出现嘅同时，咁嘅走势都系比较适合用五分钟图做短炒动作。 10/3作战室实况 - 日日实战操盘!学习技术分析及轮证策略!直接去Patreon搜寻「cbbcwar」领取七日免费试用 睇文嘅你都系专心工作算啦；战友已经反手好仓努力中啦！ 作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。 资讯只适用于合资格的香港投资者。本文章涉及瑞银以外第三方机构代表之意见，其

㖊日拣咗只 $UB#HSI RP2812G.P(53132)$ ，但讲明一个出场条件系要 $HSI(HSI)$ 喺10点后，小时图上有见下行跌穿底线之后先至可以出，否则真系讲拜拜，指数一步到位25000点mark住有支持。结果系：佢就系过唔到底线兼喺小时图低出咗「破脚穿头」，作战室喺之后嘅时段都反手好仓。 上个星期先至话美以伊战争有机会玩四至五个星期；去到㖊日因为同个战友意见分歧，就忽然话战争好快结束，美股㖊晚都陪佢急转弯，最后倒升200几点收市。 今朝如常8点半左右喺作战室同战友睇个街货图，见牛证继续坐住重货，啱呀！㖊日早市三四次都撞唔穿25000缦位，兼有条250天线再次接住指数，博推返上去继续坐牛合理；而那边厢熊证都多返啲肉，打紧仗嘛，边有容易话停就停，你睇俄乌就知啦，得闲无事都执一剂嘅。 开市前都Plan定出好仓但向上mark住嘅位都唔远得去边，先系借小时图嘅25800点位做上方量度线，企得住嘅先至再用10天线约25900点做第二目标。开市10分钟已经见战友先爬好仓格仔。 如果借小时图嚟做Trade嘅话，同作战室一样，都系要等25800点或50线企得稳先至够胆继续Hold上去。 终于都等到10点，喺小时图上未见指数向上突破50线，然而指数都未见好大幅度向下走，不过线唔过，作战室又已经做出反手注。 $UB#HSI RP2812K.P(53139)$ ，收回价26250点，同现价有约440点距离，杠杆有约41.6倍够做Day Trade，Lock住小时图50线做上方量度线，安全嘅见五分钟图指数向下过10线或Slow

上星期五(3月6日)睇咗只 $XIAOMI-W(01810)$ ，仲拣咗只 $BP#XIAMIRC2609B.C(60752)$ 出嚟，Mark住见小时图保历加通道口就出动，Day Trade无问题；理想嘅博到10线都可以。以呢度平时唔过夜计，于完场前走只(60752)嘅话，一个下午茶嘅正数都执到嘅。 美以伊战争一早讲明有排玩，金油喺早一两个星期前已经叫作战室嘅战友们坐住晒，无咩事都可以唔驶起身；当中以油价比较看高一线嘅关系，所以喺Patreon再砌多只【石油波动下的能源股投资机会】，有兴趣可以去睇下。 油价抽高的确对经济造成嘅打击系比金价抽升更明显，老友水哥身在澳洲上个星期都Share咗佢嗰边嘅油站出现人龙，亲身经历好比睇新闻感受得更深。今朝日韩澳股市率先下跌，依家9点18分见台股价冧紧落去，港股新加坡黑期跌800点后再见期货依家都系冧紧800几，作战室战友们都准备今日抢淡仓。 开市无耐 $HSI(HSI)$ 已经先穿25000点，将首三层牛证街货全数收回，而24900至24999点已经有过1700几张期指街货嘅重牛区。 日线图上都预250天线今日会失守，咁变相向下望就无晒天线位，借恒指最后一次见30000点位同2023年低位拉个黄金比率出嚟，见0.618位约24838点，同依家9点38分见恒指报25012点，都只系争174点。 直出淡仓追指数下行再往街货走都合理嘅，只不过系好憎又系一步到位咁款，同埋开市到依家都11分钟，有见指数于25000点位咬得都几紧，小心沽唔落。

㖊日拣咗只 $UB#HSI RC28075.C(55569)$ ，出仓条件都有讲明唔止要 $HSI(HSI)$ 企高于五分钟图10线，仲要保历加整条仍然向上运行，否则就用返Slow STC(14.3)见触底上行先至出呢注好仓。 按此，上半场出文后由于保历加通道已经开始转向横行，所以(55569)出唔到仓。及至下半场1点20分有见五分钟图Slow STC(14.3)确认触底上行离得到超卖位，所以出(55569)博行Swing，但可惜指数就系咁弱，中辐轴都过唔到重新向下再落，(55569)亦要败走。 都合理嘅，大回小涨博好仓系真心难嘅，皆因前人教落跌市容易升市难，升市要钱要力，但跌市只要有一个恐慌嘅情绪就够。 不过，喺隔晚美股最多跌过千点后，今日港股返嚟反而出另一个样，指数升37点后再上，至依家9点55分，升幅一度扩阔至逾150点，暂时高位有见25480点，作战室今朝Plan定出好仓，再试指数上行纯綷系博小时图嘅10线守好企高上20线。「咁近?」唔近架啦，扑得到都有百几点食架！ 到依家10点8分见指数都仲未破得到小时20线位，而作战室一班人食完第一轮好仓之后，等紧出第二轮仓嘅机会，仍然Plan定都系好仓先但随时变阵。 睇文嘅都难以追得到好似作战室咁贴，所以喺呢度睇第二样嘢。依家咪人大会议开紧嘅，又嚟内需主导啦㖞，仲话「今年计划发行超长期特别国债1.3万亿人民币，有2500亿元用来支持消费品「以旧换新」工作」，就谂起 $XIAOMI-W(01810)$ 。 小米睇日线图都应该会被人妈到爆，或者有货在手嘅都唔敢/废事再睇佢，借

㖊日拣咗只 $UB#HSI RP28044.P(67110)$ 出嚟再追多次，今次都真系纯綷望住啲街货嚟打，再出(67110)系因为佢已经系最贴价嘅熊证。上半场未完已经见 $HSI(HSI)$ 穿25000点，250天线到目标为本(67110)可以先收割；当然你亦都可以出风筝策略，留少少注睇下指数可以自由落体到边啦。 㖊日指数如大题所指落到去250线后，全日收市计指数于250线上出「锤头」，怪不得今日返嚟见第一至第四层牛证街货夹埋有约5000至6000张期指街货，当中喺24800至24899点更见有逾2000张期指街货，更为重牛区。 少少两难位因为又系技术分析 VS 街货，技术分析如上文所讲啦，街货睇个图都明晒啦，所以到依家9点52分见指数喺高位横行住，动作快嘅战室来回食100点楼下嘅单烛Swing「扫格仔」；慢嘅就等紧五分钟图10线上到指数前系会变成支持还是用嚟穿过。 终于10点后有见指数系借住五分钟图10线向上走，作战室终于出到一注系可以坐得耐少少架啦。 $UB#HSI RC28075.C(55569)$ ，收回价24950点，同现价有约560点距离，杠杆有约41.8倍，即使用嚟做Swing Trade一趟都够用。 依家10点19分，作战室系喺今朝等到指数同10线靠近见支持而出好仓嘅；留意到你睇完文之后，留意保历加整条是否仍然向上运行，指数是否用保历加顶线同10线呢两条线夹住自己上，系见到嘅话咁先吼10线嚟出只好仓。 但如果10线失守嘅话，退至用20线做量度线可以；甚至重新等返Slow STC(14.3)见触底上行

㖊日拣咗只 $UB#HSI RP28044.P(67110)$ 出嚟，都唔系即刻出嘅，因为出文时都有讲过当时五分钟图Slow STC(14.3)两 线都落到超卖位，再迫指数下行就要靠保历加通道口拓阔，所以换返平时嘅Swing Trade做淡仓都可以；还好上半场呢一注淡仓都做到一趟Swing Trade，平均仲有20%正数落袋添。 㖊日都有新闻出晒话呢场战争最少都打几个星期，而前日亦都有拣咗海油好仓出嚟，如㖊日已经见好即收嘅，正数无问题啦；而Hold到依家嘅话，咁就真系要留意住油价同股市嘅走势，因为即使油价造好，但佢哋始终都系个股，点都会受市场气氛影响，所以被拉低都唔出奇。 依家9点18分，睇住期货都跌多300点，而今朝8点半先同作战室嘅战友睇咗个街货图，仍然见到一大堆资金博反弹企喺牛证街货层，喺256/255/254/253呢四层算是最重货，每层都有900至过千张期指街货。当然重货区亦都喺里面啦。喺恐慌情绪仲未散开之前，确实系有啲担心呢四层货。 日线图上见㖊日指数都已经失守150线，终于都要换返条250线aka牛熊分界线出嚟去睇指数；同步喺作战室用埋黄金比率重新睇多一次恒指下方量度线仲有啲乜。 睇咗250线先啦，皆因呢个位今日见喺25011点呢个位。即使今日指数向下杀埋嗰四层重货牛嘅话，向下再堆落去25000点楼下有见又嚟四五层600至800几张期指街货嘅牛证喺度，但今次用25000点嚟做盾，好歹都叫做一个齐头位，即杀都应该都停一停先嘅。 但系，唔等于依家要摆只收回价25000点或以下嘅恒指牛出嚟，当佢再变成重货而指数一直向下插到熊证都追唔到咁贴之下，咁被杀嘅任务就会继续喺牛证身上。 前人教落：顺势而行，跌市容易升市难，所以㖊日只(67110)继续啦，因为今日嘅熊最贴收回价都系26382

㖊日拣咗只 $UB#CNOOCRC2810B.C(59937)$ 出嚟，主因简单，就系美伊战争不会喺短时间内停火之下，油价被推高，从而拣只主力于上游业务aka受惠于油价较多嘅 $CNOOC(00883)$ 出嚟。 不过都唔系即冲入去，皆因出文时有见股价向下往小时图10线走，如果守得到10线嘅，咁只(59937)就出动；不然用返Slow STC(14.3)做Swing嚟出好仓都可以。 出文后都有等紧入市位，但11点小时图Update后有见股价出「十字星」后重新向上抽高，进取mode见「十字星」出现而出只(59937)的话系可以，只不过呢个方法无喺㖊日嘅文度mark底，所以【月度报告】都唔会count呢一注。 今朝见恒指开升，抽返上26000点以上开市，而中海油股价今日都有见上到27蚊以上位置，但开市后股价都有随指数见高开低走，暂时日线图嘅形态上有出现「射击之星」物体，系个烛身比较肥咗少少，但过一晚夜都有见只(59937)证价有所高走，短偷一晚嘅话(59937)都可以继续Hold，但要同时睇埋日线图嘅走势。 睇返 $HSI(HSI)$ 。今朝喺作战室都系无Plan到顺U盘方向出好仓，因为下方牛证实在太多嘅同时，上方熊证好远，即使世界和平、纯用街货去衡量嘅话，都系比较适合出淡仓捉指数重新向下，往街货方向走。 10点未到指数已经升转跌，作战室第一注淡仓爬格仔都已经有著落。 换小时图见指数目前仍然处于10线同保历加底线之间上落，今朝开市口价摆位比较靠近上方10线位，开市后升转跌见落过㖊日下半场嘅低位后，开始有见于26000点似喘